قر قارجى مينيسترلىگى مەملەكەتتىك كىرىستەر كوميتەتى قازاقستاندىق كاسىپكەرلەردىڭ جۇمىسىن جەڭىلدەتۋ ءۇشىن E-Salyq Business جاڭا ءموبيلدى قوسىمشاسىن ازىرلەدى. قوسىمشا جەكە كاسىپكەردى تىركەۋدەن باستاپ, ارنايى سالىق رەجيمدەرىن تاڭداۋ, ەسەپ-قيساپ پەن كىرىستەردى جۇرگىزۋ تارتىبىنە قاتىستى بارلىق جۇمىستى وڭاي جۇرگىزۋگە كومەكتەسەدى.
كوميتەت توراعاسىنىڭ ورىنباسارى جايدار ىڭكارباەۆتىڭ ايتۋىنشا, بۇرىن شاعىن كاسىپكەرلىك سۋبەكتىلەرى ءۇشىن ايتارلىقتاي قيىندىق تۋعىزاتىن راسىمدەر كوپ بولدى. اتالعان قوسىمشادا بارلىق قىزمەت قاراستىرىلىپ, ول كاسسا اپپاراتىنىڭ فۋنكتسيونالىمەن جەتىلدىرىلگەن. كاسسا تۇبىرتەكتەرى بازاسىندا كاسىپكەردىڭ كىرىسى قالىپتاسادى جانە وسى تابىستىڭ بازاسىندا اۆتوماتتى تۇردە سالىق دەكلاراتسياسى تولتىرىلادى. «قوسىمشانى پايدالاناتىن كاسىپكەرگە مەملەكەتتىك كىرىستەر باسقارماسى بولىمشەلەرىنە بارۋدىڭ قاجەت جوق. بارلىق قىزمەتتەر اۆتوماتتى تۇردە جۇزەگە اسىرىلادى. قوسىمشا سەرۆيستەر ءتۇرلى انىقتامالاردى بەرۋدى قاراستىرادى. سالىق ورگاندارى تاراپىنان قاجەت بولعاندا ەسكەرتپەلەر كەلىپ تۇسەدى» دەيدى ج.ىڭكارباەۆ. ءموبيلدى قوسىمشانى 400 مىڭ جەكە كاسىپكەر قولدانا الادى جانە ونى Play market-تەن جۇكتەۋگە بولادى. قازىر App store-دە اتالعان قوسىمشانى جۇكتەۋ ءۇشىن بەرىلگەن وتىنىمگە جاۋاپ الۋ راسىمدەرى ءجۇرىپ جاتىر.
