كاسىپكەرلىك سالانىڭ قايتا جاندانۋىنا مەملەكەتتىك قولداۋ كۇشەيتىلىپ, شاعىن جانە ورتا بيزنەستى جەڭىلدىكپەن نەسيەلەندىرۋ جۇمىستارى جالعاسۋدا. وسى جىلدىڭ ءبىرىنشى توقسانىندا 663 ملرد تەڭگە سوماسىنا 16 مىڭنان استام جوبا جەڭىلدەتىلگەن نەسيەمەن قارجى السا, جىل سوڭىنا دەيىن 2,5 ترلن سونداي نەسيە 47 مىڭنان استام جوباعا بەرىلەدى دەپ جوسپارلانىپ وتىر.
وسىلايشا كوروناۆيرۋس داعدارىسىنان كەيىن كاسىپكەرلىك سالاسى قايتادان جاندانا باستادى. ءبىر جىلدىڭ ىشىندە شاعىن جانە ورتا بيزنەستە ءونىم شىعارۋ بىردەن 25%-عا وسكەن. شىعارىلعان ءونىمنىڭ كوپ بولىگى شاعىن كاسىپكەرلىككە تيەسىلى. وسى سالالاردا جۇمىسپەن قامتىلعاندار دا كوپ. شاعىن جانە ورتا بيزنەس سۋبەكتىلەرى شىعارعان ءونىم كولەمى بيىل قاڭتار-ماۋسىم ارالىعىندا 17,5 ترلن تەڭگەنى قۇرادى. سەكتورداعى جىلدىق ءوسىم ەلىمىزدىڭ بارلىق وڭىرىندە بايقالدى. شاعىن جانە ورتا بيزنەس نەسيەلەرىن قايتا قارجىلاندىرۋ جۇمىسى دا توقتاعان جوق. بىلتىرعى 15 ناۋرىز بەن بيىلعى 15 ناۋرىز ارالىعىندا 9 مىڭعا جۋىق جوبانى قايتا قارجىلاندىرۋ ءۇشىن 475 ملرد تەڭگەنىڭ سۋبسيدياسى بەرىلگەن. بيىل سۋبسيديا بولىنەتىن سالالار كوبەيە تۇسكەن.
