ەلوردادا ۇلەستىك قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسى ءوتتى

ەلوردادا تۇرعىن ءۇي قۇرىلىسىنا ۇلەستىك قاتىسۋ ماسەلەلەرى جونىندەگى ۆەدومتسۆوارالىق كوميسسيانىڭ وتىرىسى اياسىندا 58 نىسان تۇراقتى باقىلاۋعا الىندى. اتالعان نىسانداردىڭ قۇرىلىسىندا قازاقستان رەسپۋبليكاسىنىڭ «تۇرعىن ءۇي قۇرىلىسىنا ۇلەستىك قاتىسۋ تۋرالى» جانە «ساۋلەت, قالا قۇرىلىسى جانە قۇرىلىس قىزمەتى تۋرالى» زاڭدارى ساقتالماعان, سونداي-اق, وندىرىستىك جۇمىستار كەستەدەن ايتارلىقتاي كەشىكتىرىلىپ جاتىر.

ءتيىستى بۇزۋشىلىقتار قالا تۇرعىندارىنىڭ وتىنىشتەرى بويىنشا جانە كەزەكشى جوسپار جاساۋدىڭ ناتيجەسىندە انىقتالدى. انىقتالعان فاكتىلەر بويىنشا ماتەريالدار قۇقىق قورعاۋ ورگاندارىنا جىبەرىلەدى. ءاربىر نىسان بويىنشا قۇرىلىستى اياقتاۋ جونىندەگى ناقتى الگوريتم ازىرلەندى. نىساندار تۇراقتى باقىلاۋعا الىندى جانە مەملەكەتتىك ورگاندار ءوز قۇزىرەتتىلىگى شەگىندە بەلگىلەنگەن تارتىپتە سالۋشىلارعا انىقتالعان ەسكەرتۋلەردى جويۋعا كومەك كورسەتەدى.

بۇل رەتتە قالا اكىمدىگى نىسانداردى مەملەكەت قارجىسى ەسەبىنەن اياقتاۋ مۇمكىن ەمەستىگىن العا تارتتى.

نىسانداردىڭ تولىق تىزىمىمەن تومەندە تىركەلگەن فايلدان تانىسۋعا بولادى.

astana.gov.kz