ەلورداعا كەلەتىن ستۋدەنتتەر سانى وتكەن جىلمەن سالىستىرعاندا 10 مىڭ ادامعا ارتتى. ولارمەن قانداي جۇمىس جۇرگىزىلىپ جاتقانىن ەلوردانىڭ كوممۋنيكاتسيالار قىزمەتىندە وتكەن بريفينگتە قالالىق جاستار ساياساتى ماسەلەلەرى باسقارماسىنىڭ باسشىسى سامات يبراەۆ ايتىپ بەردى, دەپ حابارلايدى astana-akshamy.kz.
استانا قالاسىنىڭ جاستار ساياساتى ماسەلەلەرى باسقارماسى ەلوردانىڭ جوعارى وقۋ ورىندارىمەن جانە ستۋدەنتتەرىمەن بەلسەندى جۇمىس ىستەيدى.
«2023-2024 وقۋ جىلىندا استانا قالاسىنىڭ اكىمدىگى ازاماتتاردىڭ جەكەلەگەن ساناتتارىنان 150 تۇلەككە, ونىڭ ىشىندە جەتىم بالالارعا, بالالار ءۇيىنىڭ تۇلەكتەرىنە, بالا كەزىنەن مۇگەدەكتەرگە, اتا-اناسىنىڭ قامقورلىعىنسىز قالعان بالالارعا, كوپبالالى وتباسىلاردان شىققان بالالارعا گرانتتار ءبولدى», – دەدى سپيكەر.
بۇل ستۋدەنتتەر جالپى مەديتسينا, الەۋمەتتىك جۇمىس, ساۋلەت (BIM-مەنەدجەر جوبالاۋشى), ەلەكتر ەنەرگەتيكاسى, دەنە شىنىقتىرۋ جانە سپورت, پسيحولوگيا, ەسەپتەۋ تەحنيكاسى جانە باعدارلامالىق قامتاماسىز ەتۋ (باعدارلاماشى), ديزاين, پەداگوگيكا (ماتەماتيكا, حيميا جانە بيولوگيا مۇعالىمى) جانە ت.ب. ماماندىقتار بويىنشا وقيدى.
ايتا كەتۋ كەرەك, ەلوردادا ءبىلىم بەرۋ ۇيىمدارىن پەداگوگيكالىق كادرلارمەن قامتاماسىز ەتۋ ماسەلەسى بار. ونى شەشۋ ءۇشىن 2018 جىلدان باستاپ ەلوردا اكىمدىگى جوعارى وقۋ ورىندارىندا مۇعالىمدەر مەن دارىگەرلەردى دايارلاۋعا مەملەكەتتىك ءبىلىم بەرۋ تاپسىرىسىن ورنالاستىرادى.
2027 جىلعا دەيىن استانا اكىمدىگىنىڭ مەملەكەتتىك تاپسىرىسى بويىنشا 1800-دەن استام ادامدى پەداگوگيكالىق ماماندىقتار بويىنشا وقىتۋ جوسپارلانىپ وتىر, ونىڭ ىشىندە: 2024 جىلى – 370, 2025 جىلى – 387, 2026 جىلى – 435, 2027 جىلى – 679.
«ايتا كەتۋ كەرەك, اي سايىن ەلوردانىڭ جوعارى وقۋ ورىندارىنىڭ ستۋدەنتتەرىنە وقۋ كەزەڭىندە قالالىق جولاۋشىلار كولىگىندە جەڭىلدىكپەن جول ءجۇرۋ قۇقىعى بەرىلەدى. جەڭىلدىكپەن جول ءجۇرۋ قۇقىعى كۇندىزگى وقۋ نىسانىنداعى ءبىلىم بەرۋ ۇيىمدارى ءبىلىم الۋشىلارىنىڭ جەكەلەگەن ساناتتارىنا: جەتىم بالالارعا جانە اتا-اناسىنىڭ قامقورلىعىنسىز قالعان بالالارعا; اتاۋلى الەۋمەتتىك كومەك الۋعا قۇقىعى بار وتباسىلاردان شىققان بالالارعا, سونداي-اق جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن از مەملەكەتتىك اتاۋلى الەۋمەتتىك كومەك المايتىن وتباسىلاردان شىققان بالالارعا بەرىلەدى. بيىلعى وقۋ جىلىندا ەلوردا ۋنيۆەرسيتەتتەرىنىڭ 151 ستۋدەنتى استانانىڭ قالالىق جولاۋشىلار كولىگىندە جەڭىلدىكپەن جول جۇرۋگە قۇقىلى», – دەدى سامات يبراەۆ.
استانادا قالالىق ەرىكتىلەر شتابى جۇمىس ىستەيدى, ول قالانىڭ بەلسەندى ەرىكتىلەرى مەن ەرىكتىلەر ۇيىمدارىنىڭ باسىن قوسادى. ۆولونتەرلىك شتابقا بەس مىڭعا جۋىق ەرىكتى كىرەدى, ولاردىڭ شامامەن 50%-ى ەلوردالىق جوعارى وقۋ ورىندارىنىڭ ستۋدەنتى.
ءبىزدىڭ قالامىزدا بىردە-ءبىر رەسپۋبليكالىق جانە حالىقارالىق ءىس-شارا ءبىزدىڭ ەرىكتى ستۋدەنتتەردىڭ قاتىسۋىنسىز وتپەيتىنىن اتاپ وتكەن ءجون. بيىل ەلوردالىق ەرىكتىلەردىڭ شىۇ ءسامميتى جانە دۇنيەجۇزىلىك كوشپەندىلەر ويىندارى سياقتى ءىس-شارالارعا قاتىسۋى جوسپارلانعان.
«سونداي-اق, استانا قالاسىنىڭ اكىمدىگى ءوز قۇزىرەتى شەڭبەرىندە ستۋدەنتتەردى جاتاقحانالارداعى ورىندارمەن قامتاماسىز ەتۋ بويىنشا قازاقستان رەسپۋبليكاسى پرەزيدەنتىنىڭ تاپسىرماسىن ورىندايدى. ەلورداعا وقۋعا كەلەتىن ستۋدەنتتەر سانى جىل سايىن ارتىپ كەلەدى. قالادا 15 جوعارى وقۋ ورنى بار, وندا 79 مىڭعا جۋىق ستۋدەنت وقيدى. ولاردىڭ كەيبىرى قالانىڭ شەتىنەن قاتىنايدى. ءبىز جاتاقحانالارعا كەزەڭ-كەزەڭىمەن ورىن جاسايمىز. بۇل جۇمىس ينۆەستورلاردى دا, جوعارى وقۋ ورىندارىنىڭ ءوزىن دە تارتا وتىرىپ جۇرگىزىلەدى. استانا قالاسىنىڭ اكىمدىگى ءوز تاراپىنان جەر ۋچاسكەلەرى مەن اكىمشىلىك ماسەلەلەر بويىنشا كومەك كورسەتەدى. قالادا فرونت-وفيس اشىلعان ساتتەن باستاپ استانا اكىمدىگى مەن «قارجى ورتالىعى» اق قىزمەتكەرلەرى ەلوردادا ستۋدەنتتىك جاتاقحانالاردى سالۋ جانە رەكونسترۋكتسيالاۋ ءۇشىن ينۆەستورلاردى تارتۋ بويىنشا جوسپارلى جۇمىس جۇرگىزىپ جاتىر», – دەدى سپيكەر.
2023 جىلى 1170 ورىندىق 8 جاتاقحانا پايدالانۋعا بەرىلدى. 2024 جىلى ءمجا شەڭبەرىندە 1889 ورىندىق جاتاقحانالار سالۋ جوسپارلانىپ وتىر, 2025 جىلى 8 جاتاقحانانى پايدالانۋعا بەرۋ جوسپارلانۋدا.
سونىمەن قاتار, مەديتسينالىق ۋنيۆەرسيتەتتىڭ بالانسىنا بۇرىنعى «رامادا پلازا» قوناق ءۇيىنىڭ عيماراتىن بەرگەننەن كەيىن ونى 700 ستۋدەنت تۇراتىن جاتاقحاناعا قايتا قۇرۋ جوسپارلانىپ وتىر.
سونداي-اق, ەلوردادا ەۇۋ-گراد جاڭا ستۋدەنتتىك قالاشىعى سالىنادى, ونىڭ اۋماعىندا وقۋ, عىلىمي-زەرتتەۋ, سپورتتىق-ساۋىقتىرۋ, دەمالىس جانە تەحنوپارك سياقتى بىرنەشە زاماناۋي ايماقتاردى ورنالاستىرۋ جوسپارلانىپ وتىر.
