ەلوردالىق جاستار اسكەرگە اتتاندى
نۇر-سۇلتان قالاسىندا «ەل تىرەگى – 2019» اتتى كۇزگى اسكەري قىزمەتكە شاقىرۋعا ارنالعان ءداستۇرلى ناۋقان ءوتتى.نۇر-سۇلتان قالاسى قورعانىس ىستەرى جونىندەگى دەپارتامەنتى مەن ەلوردا اكىمدىگىنىڭ ۇيىمداستىرۋىمەن وتكىزىلگەن بۇل شاراعا اسكەرگە باراتىن 1200 ءجاسوسپىرىم مەن ولاردىڭ اتا-انالارى قاتىستى. اسكەرگە شاقىرتىلعان جاستار الدىندا
نۇر-سۇلتان قالاسى اكىمدىگىنىڭ وكىلدەرى جانە ۇلى وتان سوعىسىنىڭ ارداگەرلەرى, جاۋىنگەر-ينتەرناتسيوناليستەر جىلى لەبىزدەرىن ءبىلدىردى. ستالينگراد شايقاسىنا قاتىسۋشى احات بەكمادي جاستارعا اسكەري بورىشتىڭ قاسيەتى, وتان قورعاۋ شەبىندە جان كەشكەن اتالارى مەن اكەلەرىنىڭ باتىرلىعى تۋرالى ايتىپ بەردى.
ءىس-شارا بارىسىندا اسكەري كورمە ۇيىمداستىرىلىپ, قورعانىس مينيسترلىگىنىڭ اسكەري ءانسامبلى مەرەكەلىك كونتسەرت تارتۋ ەتتى. نۇر-سۇلتان قالاسى بويىنشا قىركۇيەك ايىنان باستاپ مەرزىمدى اسكەري قىزمەتكە ازاماتتاردى ىرىكتەۋ جانە اسكەرگە اتتاندىرۋ ناۋقانى جۇرگىزىلىپ جاتىر.