ەلوردانىڭ جەدەل ارەكەت ەتۋ قىزمەتتەرى قالا تۇرعىندارى مەن قوناقتارىنا كۇزگى جۇقا مۇزدىڭ قاۋىپتىلىگى جايىندا ەسكەرتىپ, بالالاردى قاراۋسىز قالدىرماۋعا شاقىرادى.
شىنىمەن دە, قارا كۇز كەلىپ, كۇن سۋىسا دا, وزەندەگى مۇز ءالى دەگدي قويعان جوق. تەك قانا سۋدىڭ بەتىندە الدامشى جۇقا مۇز جالتىرايدى. ونى بىلمەيتىندەر بالىق اۋلايمىن, كونكيمەن سىرعانايمىن نەمەسە جولدى قىسقارتىپ, مۇز ۇستىمەن ءوتىپ كەتەمىن دەپ ويلايدى. كەيىن ونىڭ ارتى وكىنىشكە ۇرىندىرادى. استانالىق توتەنشە جاعدايلار دەپارتامەنتىنىڭ حابارلاۋىنشا, وتكەن 6 قاراشادا ەسىل وزەنىندەگى ويىققا مالتۋ كەزىندە 1964 جىلى تۋعان ەر ازامات سۋعا باتىپ كەتكەن.
سوندىقتان ماماندار وسىنداي باقىتسىز جاعدايعا جول بەرمەۋ ءۇشىن قاۋىپسىزدىك شارالارىن ساقتاۋ كەرەك ەكەنىن قاتاڭ ەسكەرتەدى. مۇزدىڭ قالىڭدىعى 10-12 سم-گە جەتكەن كەزدە عانا ونىڭ بەتىنە شىعۋ قاۋىپسىز بولادى.
سونداي-اق, مۇزدىڭ بەتى قارمەن جابىلعان جەرلەرمەن جۇرمەگەن دۇرىس, سەبەبى وندا مۇز باياۋ قاتادى.
تۇپتەپ ايتقاندا, ەسىل ءالى قاتقان جوق. سوندىقتان ازىرگە وزەن ۇستىمەن جۇرمەگەنىڭىز ءجون بولادى دەمەكپىز.
ازامات ەسەنجول
