كاسىپكەرلەردى تەكسەرۋگە موراتوري جاريالاندى

مەملەكەت باسشىسى ەلىمىزدە كاسىپكەرلىك قىزمەتتىڭ دامۋى ءۇشىن قاجەتتى جاعداي جاساۋ جونىندەگى تۇبەگەيلى شارالار تۋرالى مالىمدەمە جاسادى.

ەكىنشى ساۋىردەن باستاپ  2015 جىلدىڭ 1  قاڭتارىنا دەيىن شاعىن جانە ورتا بيزنەس سۋبەكتىلەرىنە تەكسەرۋ جۇرگىزۋگە موراتوري جاريالاعانىن مالىمدەگەن پرەزيدەنت «مەن قازاقستاندىقتاردىڭ بيزنەس جۇرگىزۋى ءۇشىن قاجەتتى جاعدايدى ودان ءارى جاقسارتا ءتۇسۋ ماقساتىندا ۇكىمەتكە بىرقاتار ناقتى شارالار قابىلداۋدى تاپسىردىم»  دەيدى.

بۇدان بىلاي تەكسەرىستەردى ايقىنداۋدىڭ وبەكتيۆتى, الەمدىك ستاندارتتارعا ساي جۇيەسى ازىرلەنەدى. وسى جۇيەگە سايكەس, 2015 جىلدىڭ 1 قاڭتارىنان باستاپ شىن مانىندە تەك زاڭ تالاپتارىن بۇزۋ ىقتيمالدىعى جوعارى كاسىپكەرلەرگە عانا تەكسەرىس جۇرگىزىلەدى ەكەن. ەگەر كاسىپكەر زاڭنىڭ بارلىق تالابىن ورىندايتىن بولسا, تەكسەرۋشى ورگاندار وعان مۇلدە بارماۋعا مىندەتتى. ول ءۇشىن ۇكىمەت تەكسەرىس جۇرگىزۋدىڭ بارلىق ءتارتىبىن قايتا قاراۋى قاجەت.

مالىمدەمە سوڭىندا ەلباسى كاسىپكەرلىكتى دامىتۋ  «قازاقستان – 2050 » ستراتەگياسىنىڭ نەگىزگى مىندەتىنىڭ ءبىرى ەكەنىنە توقتالادى. «مەنىڭ جارلىعىمنىڭ جۇزەگە اسۋى قازاقستاندا كاسىپكەرلىك قىزمەتتى دامىتۋ ءۇشىن قاجەتتى جاعدايدى تۇبەگەيلى جاقسارتۋدى قامتاماسىز ەتەدى. بۇل – بيزنەس جۇرگىزىپ وتىرعان ءاربىر قازاقستاندىق ءۇشىن ناقتى كومەك. كاسىپكەرلەردىڭ جۇمىس جاعدايىن ۇدايى جاقسارتىپ وتىرۋ جايى ارقاشان مەملەكەتتىڭ باستى نازارىندا بولادى. بۇل – قازاقستاننىڭ الەمدەگى ەڭ دامىعان 30 ەلدىڭ قاتارىنا قوسىلۋى جولىنداعى تاعى ءبىر ماڭىزدى قادام»  دەدى پرەزيدەنت.