نۇر-سۇلتان قالاسىندا كوپبالالى جانە جاعدايى تومەن وتباسىلارعا قانداي جاعداي جاسالىپ جاتىر؟ بۇل تۋرالى قالا اكىمدىگىندە وتكەن جيىندا بەلگىلى بولدى.
قازىرگى ۋاقىتتا كومەككە اسا مۇقتاج وتباسىلاردىڭ دەرەكتەر بازاسى قۇرىلىپ, ناقتى قاجەتتىلىكتەر مەن پروبلەمالار انىقتالدى.
ءاربىر وتباسىن قولداۋ ءجونىندەگى جەكە شارالار جوسپارى ازىرلەندى. سول سياقتى تۇرعىن ءۇي كەزەگىندە حالىقتىڭ الەۋمەتتىك جاعىنان وسال توپتارىنا جاتاتىن ازاماتتار, سونىڭ ىشىندە كوپبالالى انالار, از قامتىلعان ازاماتتار مەن مۇمكىندىگى شەكتەۋلى ادامدار تۇر. قوسىمشا قاراجات ەسەبىنەن شامامەن 1800-1900 پاتەر بەرۋ جوسپارلانىپ وتىر.
قالالىق اكىمدىك تاراپىنان قيىندىققا تاپ بولعان ءاربىر وتباسى «جۇمىسپەن قامتۋدىڭ جول كارتاسى», «بيزنەستىڭ جول كارتاسى» باعدارلامالارى مەن اتاۋلى الەۋمەتتىك كومەك اياسىندا قولداۋعا يە بولىپ وتىر, سونداي-اق ازاماتتاردى جۇمىسقا ورنالاستىرۋ ماسەلەلەرى دە شەشىلەتىن بولادى.
