پرەزيدەنت ءوزىنىڭ كەيىنگى جولداۋىندا مەملەكەتتىك ءتىلىمىزدى مەيلىنشە كەمەلدەندىرۋگە, ونىڭ مەملەكەتتىك ءتىل رەتىندە ءورىس الۋىنا قاجەتتى جاعدايلاردى بارىنشا جاساۋعا, ونىڭ قوعامدىق اياسىن كەڭەيتۋگە ايرىقشا نازار اۋداردى.
قازاق ءتىلى تۋرالى ايتقاندا ءىستى الدىمەن وزىمىزدەن باستاۋىمىز كەرەكتىگى ۇمىت قالادى. ۇلتتىق مۇددەگە قىزمەت ەتۋ ءۇشىن اركىم وزگەنى ەمەس, الدىمەن ءوزىن قامشىلاۋى ءتيىس. وسى رەتتە استانا قالاسىنىڭ پروكۋراتۋراسى مەملەكەتتىك ءتىلدى ودان ءارى جەتىلدىرۋ باعىتىندا جۇمىستار اتقارۋدا. ماسەلەن, «استانا ءتىل اكادەمياسى» استانا قالاسىنىڭ پروكۋراتۋرا ورگاندارىنداعى قىزمەتكەرلەرگە مەملەكەتتىك ءتىلدى ۇيرەتۋدە.
جىل بويى قالا پروكۋراتۋراسىنىڭ قۇرىلىمدىق بولىمشەلەرى مەن اۋدان پروكۋراتۋرالارىنا رەسمي قۇجاتتاردى مەملەكەتتىك تىلدە دايىنداۋدا ادىستەمەلىك جانە پراكتيكالىق كومەك كورسەتىلىپ, مەملەكەتتىك ءىس قاعازدارىن جۇرگىزۋ بويىنشا مونيتورينگ جۇرگىزىلەدى. سونىمەن قاتار, قۇقىق سالاسىنداعى زاڭ تەرميندەرىن جۇيەلەۋ جانە بىرىزدەندىرۋ ماقساتىندا قازاق تىلىندەگى اركەلكى نۇسقاسى قولدانىلىپ جۇرگەن بىرقاتار زاڭ تەرميندەرىنىڭ ءتىزىمى دايىندالدى.
پروكۋراتۋرا استانا قالاسى تىلدەردى دامىتۋ باسقارماسىمەن بىرلەسىپ, «قازاقستان رەسپۋبليكاسىنداعى ءتىل تۋرالى» زاڭ تالاپتارىنىڭ ساقتالۋىنا بايلانىستى تەكسەرۋ جۇرگىزگەن ەدى. ناتيجەسىندە, كورنەكى اقپارات پەن سىرتقى جارنامالاردا كەزدەسەتىن بىرنەشە زاڭ بۇزۋشىلىقتار ورىن الدى. اتاپ ايتقاندا, قازاق ءتىلىنىڭ ورفوگرافيالىق ەرەجەسى ساقتالماۋىنان تۋىنداعان قاتەلەر انىقتالدى.
س.سەيفۋللين كوشەسىندەگى №5 ۇيدە «نارگيزا» سۇلۋلىق سالونىندا «سۇلۋلىق» ءسوزى «سۇلۇلىك», ءبىرجان سال كوشەسى №3 ۇيدە «ماديار» دۇكەنىندەگى «دجين» شەكىلدەۋىگىنىڭ جارناماسىندا «قوش كەلدىڭىز» ءماتىنى, «قوش» دەپ قاتە جازىلعان. ال, قازاق تىلىندە بالاماسى جازىلماعان كورنەكى اقپاراتتار بەيبىتشىلىك كوشەسىندە ءجيى كەزدەسەدى. اتاپ ايتقاندا, №27 ۇيدە «ءدارىحانا» جارناماسىندا (وپتوۆىە تسەنى); №35 ۇيدە «تسەلينوگراد» ءدامحاناسىندا
(ناتسيونالنايا, ەۆروپەيسكايا كۋحنيا); №44 ۇيدە «كلاسسيكا» دۇكەنىندە (تسەنى وت پرويزۆوديتەليا, راسپروداجا); №48 ۇيدە «Dahilia» ءدامحاناسىندا (كافە «Dahilia» پريگلاشاەت نا وبەدى); №50 ۇيدە «ميك» لومباردىندا (نيزكيە پروتسەنتنىە ستاۆكي. مى وتكرىليس!) سوزدەرى مۇلدە اۋدارىلمادى. مۇنداي قاتەلىكتەر جەڭىس داڭعىلىندا, ءى.ەسەنبەرلين, ءا.مولداعۇلوۆا, س.سەيفۋللين كوشەلەرىندە دە كەزدەستى. وسىعان وراي, استانا قالالىق پروكۋراتۋراسى ىقپال ەتۋ شارالارىن قولدانىپ, اتالعان قاتەلىكتەر قالپىنا كەلتىرىلدى.
استانا قالالىق پروكۋراتۋراسىندا مەملەكەتتىك ءتىلدىڭ قولدانىلۋ اياسىن كەڭەيتۋ جۇمىستارى الداعى ۋاقىتتا دا جالعاسا بەرمەك.
ر.ايتيموۆ,
استانا قالاسى پروكۋراتۋراسىنىڭ 3-ءشى باسقارما پروكۋرورى
