زاڭدى تۇلعالاردى قالاي تىركەيدى؟
مەنىڭ بىلگىم كەلگەنى, زاڭدى تۇلعالاردى قايتادان مەملەكەتتىك تىركەۋ قالاي جۇرگىزىلەدى؟ قانداي قۇجاتتار قاجەت؟
المات, قالا تۇرعىنى
وقىرمان ساۋالىنا استانا قالاسى ادىلەت دەپارتامەنتىنىڭ زاڭدى تۇلعالاردى تىركەۋ ءبولىمىنىڭ باس مامانى ا.ءساتوۆا جاۋاپ بەرەدى:
– قر ازاماتتىق كودەكسىنىڭ 42-بابىنا سايكەس, زاڭدى تۇلعانىڭ اتاۋى وزگەرتىلگەندە, شارۋاشىلىق سەرىكتەستىگىنىڭ قاتىسۋشىلار قۇرامى وزگەرگەندە جانە جارعىلىق كاپيتالى ازايتىلعان جاعدايدا زاڭدى تۇلعا قايتا تىركەلۋگە جاتادى. بۇل رەتتە تىركەۋشى ورگانعا:
1) بەلگىلەنگەن نىسان بويىنشا ءوتىنىش;
2) زاڭدى تۇلعانىڭ قۇرىلتاي قۇجاتتارىنا, فيليال تۋرالى ەرەجەگە وزگەرىستەر مەن تولىقتىرۋلار ەنگىزۋ كوزدەلەتىن, مەملەكەتتىك قايتا تىركەۋ تۋرالى زاڭدى تۇلعانىڭ ۋاكىلەتتى ورگانىنىڭ زاڭدى تۇلعا مورىمەن بەكىتىلگەن شەشىمى نەمەسە شەشىمنىڭ ءۇزىندى كوشىرمەسى;
3) جەكە كاسىپكەر سۋبەكتىسىنە جاتپايتىن زاڭدى تۇلعا, سونداي-اق اكتسيونەرلىك قوعام, ولاردىڭ فيليالدارى ءۇشىن ەنگىزىلگەن ءوزگەرىستەرى مەن تولىقتىرۋلارى بار قۇرىلتاي قۇجاتتارىنىڭ ءۇش داناسى;
4) جەكە كاسىپكەرلىك سۋبەكتىسىنە جاتپايتىن زاڭدى تۇلعانىڭ, سونداي-اق اكتسيونەرلىك قوعامنىڭ بۇرىنعى قۇرىلتاي قۇجاتتارىنىڭ, ولاردىڭ وكىلدىكتەرى تۋرالى ەرەجەلەردىڭ تۇپنۇسقالارى;
5) زاڭدى تۇلعانى مەملەكەتتىك قايتا تىركەگەنى نەمەسە فيليالدى قايتا تىركەگەنى ءۇشىن بيۋدجەتكە تىركەۋ الىمى تولەنگەنىن راستايتىن تۇبىرتەك ۇسىنىلادى.