11 قازاننان كەلەر جىلدىڭ 4 قاڭتارىنا دەيىن بارلىق وتاندىق تۋروپەراتور قىزمەت تۇرىنە قاراي ليتسەنزياسىن قايتا راسىمدەۋى ءتيىس. ءوتىنىمدى قابىلداۋ قازاقستان رەسپۋبليكاسىنداعى ەلەكتروندىق ليتسەنزيالاۋ رەسۋرسى www.elicense.kz پورتالىندا جۇزەگە اسىرىلادى.
ليتسەنزيانى الۋ نەمەسە قايتا راسىمدەۋ مىناداي الگوريتم بويىنشا جۇرگىزىلەدى:
- «قىزمەتكە ونلاين تاپسىرىس بەرۋ» تۇيمەسىن باسۋ, كەيىن جاڭا تەرەزەدە «ەلەكتروندى ليتسەنزيالاۋ» پورتالى اشىلادى.
- جۇيەگە كىرۋ نەمەسە «ەلەكتروندى ليتسەنزيالاۋ» پورتالىنا تىركەلۋ.
- قىزمەت پاسپورتىندا قۇجاتتار پاكەتىمەن تانىسىپ, «قىزمەتكە ونلاين تاپسىرىس بەرۋ» تۇيمەسىن باسۋ. وندا قاجەتتى قوسالقى قىزمەت ءتۇرىن تاڭداپ, «ءارى قاراي» تۇيمەسىن باسۋ.
- بوس جولاقتارعا قاجەتتى مالىمەتتەردى بەلگىلەۋ, ءوتىنىمدى تولتىرىپ, ەتسق ارقىلى قول قويۋ قاجەت.
- جىبەرىلگەن ءوتىنىمنىڭ ستاتۋسىن «جەكە كابينەتتەگى» «مەنىڭ وتىنىمدەرىم» بولىمىنەن باقىلاۋعا بولادى. رۇقسات الۋ تۋرالى «مەنىڭ رۇقسات بەرىلگەن قۇجاتتارىم» بولىمىنەن, حابارلاما الۋ تۋرالى «مەنىڭ حابارلامالارىم» بولىمىنەن بىلۋگە بولادى.
ليتسەنزيالاۋ بويىنشا مەملەكەتتىك قىزمەت ءتۇرىن الۋ ءۇشىن كاسىپكەردىڭ جەكە ەلەكتروندى تسيفرلىق قولتاڭباسى قاجەت. «Kazakh Tourism» ۇك اق توراعاسىنىڭ ورىنباسارى قايرات سادۋاقاسوۆتىڭ ايتۋىنشا, قازاقستاندا سىرتتان كەلۋشىلەر ءتۋريزمى بويىنشا جىل سايىنعى ءوسىم ورتاشا 10 پايىز دەڭگەيىندە بايقالادى. سوڭعى 5-6 جىلدا ىشكى تۋريزم بويىنشا دا وڭ ديناميكا 10-15 پايىز دەڭگەيىندە.
