دەنساۋلىقجاڭالىقتار
ماممولوگيا ورتالىعى اشىلدى
ءسۇت بەزدەرىنىڭ قاتەرلى ىسىگىن بولدىرماي, اۋرۋدىڭ العاشقى كەزەڭىندە-اق انىقتايتىن زاماناۋي مامموگرافيالىق قۇرىلعى دۇنيەجۇزىندەگى بەدەلدى 20 ونكولوگيالىق ورتالىقتا عانا بار-تىن. ەندى بۇل قۋاتتى قوندىرعى ەلىمىزدە دە پايدا بولدى. بۇل انا مەن بالا عىلىمي ورتالىعىندا اشىلعان ماممولوگيا ورتالىعىندا ورناتىلدى.
ەلىمىزدە جىل سايىن 4 مىڭنان استام ايەل ءسۇت بەزدەرىنىڭ قاتەرلى ىسىگىنە شالدىعادى ەكەن. سوندىقتان 35 جاستان اسقان ءار ايەل جىلىنا كەم دەگەندە ءبىر رەت ارنايى تەكسەرۋدەن ءوتتى.
ماممولوگيا ورتالىعىنداعى ساندىق قوندىرعىنىڭ ەرەكشەلىگى سول, سىرقاتتى كلەتكانىڭ العاشقى بۇزىلىسىنان-اق انىقتاپ, ىسىكتىڭ ءارى قاراي اسقىنۋىنىڭ الدىن الادى.
جاڭادان اشىلعان ورتالىق ارنايى اكتسيا جاريالاپ, وسى شارا بارىسىندا ايەلدەردى تەگىن تەكسەرۋگە شەشىم قابىلداپتى. زاماناۋي مامموگرافيالىق قۇرىلعى ارقىلى تەكسەرىلگىسى كەلگەندەردىڭ + 7 /7172/ 45 75 65 تەلەفونىنا حابارلاسۋىنا بولادى. كەلۋشىلەر جارتى ساعاتتىڭ ءىشىندە تەكسەرۋدەن ءوتىپ, دەنساۋلىعى تۋرالى بىلە الادى. اكتسيا ۋاقىتى شەكتەۋلى ەكەنىن ەستەرىڭىزگە سالامىز.