مەملەكەت باسشىسى باستى باسىمدىقتى بەلگىلەدى: ازاماتتاردى الەۋمەتتىك قورعاۋ
«نۇر وتان» پارتياسىنىڭ كەزەكتى XVIII سەزىندەگى قازاقستان پرەزيدەنتىنىڭ ەل الدىنا قويعان مىندەتتەرىنە قاتىستى پىكىرىمەن ەلوردالىق ءماسليحاتتىڭ دەپۋتاتى مۇحتار تولەۋتاەۆ ءبولىستى, دەپ حابارلايدى ەلوردا اكىمدىگىنىڭ رەسمي سايتى.
– نۇرسۇلتان ءابىشۇلى نازارباەۆتىڭ بۇگىن كوتەرگەن باستامالارى حالىقتىڭ وسال توپتارىنىڭ جاعدايىن جاقسارتۋعا باعىتتالعان. اسىرەسە, كوپبالالى وتباسىلارعا, مۇمكىندىگى شەكتەۋلى ازاماتتارعا, بيۋدجەت سالاسىندا جۇمىس ىستەيتىن تۇرعىندارعا باسا نازار اۋدارىلاتىن بولادى. ناقتىراق ايتقاندا, پرەزيدەنت مەملەكەت دامۋىنىڭ باسىمدىعىن اتادى. بۇل – ازاماتتاردى الەۋمەتتىك تۇرعىدا قولداۋ. تاعى دا ءبىر مىندەت – دەنساۋلىق ساقتاۋ سالاسىن دامىتۋدى قولداۋ. دەنى ساۋ ۇلت – مىقتى ۇلت. مەملەكەت باسشىسى بارشا ازاماتتاردى تۇرعىلىقتى جەرىنە قاراماستان ساپالى دەنساۋلىق ساقتاۋدىڭ قولجەتىمدىلىگىمەن قامتۋدى تاپسىردى. ۇكىمەت, جەرگىلىكتى اتقارۋشى ورگاندار مەن پارتيالىقتاردىڭ الدىندا قازاقستاننىڭ دامۋىنا قاتىستى ۇلت كوشباسشىسىنىڭ قويعان تاپسىرمالارىن ورىنداۋعا كىرىسۋ بويىنشا ناقتى مىندەت تۇر.
