جەكە تۇلعالار مەملەكەتتىك قىزمەتكە ورنالاسقان ۋاقىتتا بىرقاتار مىندەتتەر جۇكتەلەدى. ياعني, مەملەكەتتىك قىزمەتشىلەردىڭ جۇمىس ۋاقىتىندا جانە جۇمىستان تىس ۋاقىتىنداعى نەگىزگى مىنەز-قۇلىق قاعيدالارى قاراستىرىلادى.
مەملەكەتتىك قىزمەتشى جان-جاقتى دامىعان تۇلعا بولۋى ءتيىس, ۇنەمى سالاۋاتتى ءومىر سالتى مەن وتباسى قۇندىلىقتارىن ۇستانۋى قاجەت. ول ءوز كەزەگىندە مەملەكەتتىك قىزمەتشىلەردىڭ ادەبى مەن مىنەز-قۇلىق ماسەلەلەرىنىڭ ماڭىزدىلىعىن مەڭزەيدى. كەز كەلگەن مەملەكەتتىك قىزمەتشىنىڭ مورالدىق ادامگەرشىلىك قاسيەتتەرى, ادەپتىلىگى مەن كاسىبيلىگى اسا ماڭىزدى.
«قازاقستان – 2050» ستراتەگيالىق قۇجاتتا مەملەكەتتىك اپپاراتتى قۇرۋدىڭ نەگىزگى ولشەمى رەتىندە جوعارى ەتيكا مەن كاسىبيلىك تانىلعان. مەملەكەتتىك قىزمەتشى ءبىرىنشى كەزەكتى ءوزىنىڭ مىنەز-قۇلىق نورمالارىنا, ارىپتەستەرىمەن ءوزارا قارىم-قاتىناستارىنا نازار اۋدارۋى قاجەت. حالىققا ساپالى قىزمەت كورسەتۋ, جۇمىستى ۇيىمداستىرۋ, حالىقتىڭ تۋىنداعان سۇراقتارىن جەدەل شەشۋ مەملەكەتتىك قىزمەتشىنىڭ مىندەتتەرىنىڭ ءبىر بولىگى عانا.
مەملەكەتتىك كورسەتىلەتىن قىزمەتتەر قىزمەتتى الۋشىلاردىڭ تەگiنە, الەۋمەتتiك, لاۋازىمدىق جانە مۇلiكتiك جاعدايىنا, جىنىسىنا, ناسiلiنە, ۇلتىنا, تiلiنە, دiنگە كوزقاراسىنا, نانىمىنا, تۇرعىلىقتى جەرiنە بايلانىستى نەمەسە كەز كەلگەن وزگە جاعداياتتار بويىنشا قانداي دا ءبىر كەمسىتۋشىلىكسىز تەڭدەي قول جەتكىزۋ قاعيداتتار نەگىزىندە كورسەتىلەتىنىن اتاپ وتكەن ءجون.
مەملەكەتتىك قىزمەتشى مەملەكەتتىك قىزمەت بارىسىندا نەگىزىنەن بەلگىلەنگەن ادەپتىلىك نورمالارىن قولدانۋى, سونداي-اق ءوز ءىس-ارەكەتتەرىنە جاۋاپكەرشىلىك الۋى قاجەت.
مەملەكەتتىك قىزمەت ءتۇرىن تۇتىنۋشى ازاماتتارمەن ءوزارا قارىم-قاتىناس ءتيىمدى مەملەكەتتىك اپپاراتتاردىڭ نەگىزگى ولشەمدەرىنىڭ ءبىرى بولىپ تابىلاتىندىقتان, مەملەكەتتىك قىزمەتشىلەر ءار كەز جوعارى ستاندارتتى كورسەتكىشتەرگە ساي, ادالدىق, ادىلدىك جانە اشىقتىقتى باسشىلىققا الا وتىرىپ, ساپالى قىزمەت كورسەتۋگە تالپىنۋى ءتيىس.
كاسىبي قىزمەت كورسەتۋ بارىسىندا كەز-كەلگەن مەملەكەتتىك قىزمەتشى ازاماتتارمەن قارىم-قاتىناس جاساۋدا ويىن تياناقتى بايانداۋعا, ادام ءسوزىن بولمەي, ىزگى نيەت پەن قاجەتتى كومەك كورسەتۋى قاجەت.
ياعني, مەملەكەتتىك قىزمەتشى قانداي ماسەلە تۋىنداماعان جاعدايدا سابىرلىق, سىپايىلىق تانىتىپ, سۇراقتاردى مۇقيات تىڭداپ, قۇرمەت كورسەتۋگە, تولىق كونسۋلتاتسيا بەرۋى ماڭىزدى.
ال, وسى قىزمەتشىلەر اتىنا شاعىم تۇسكەن جاعدايدا, ماسەلە زەردەلەنىپ ءتيىستى تارتىپتىك شارالار قابىلدانادى.
گۇلنۇر تلەۋكەنوۆا,
استانا قالاسى بويىنشا سوتتار
اكىمشىسىنىڭ ادەپ جونىندەگى ۋاكىلى
