«AMANAT» پارتياسى نۇر-سۇلتان قالالىق فيليالىنىڭ «كەدەرگىسىز كەلەشەك» پارتيالىق جوباسى اياسىندا الەۋمەتتىك مەكەمەلەردە, ساۋدا ۇيلەرى مەن ورتالىقتارىندا باقىلاۋ كوميسسياسى ءوز جۇمىسىن باستادى.
باقىلاۋ كوميسسيانىڭ ماقساتى – قوعامنىڭ ماسەلەلەرىن پارتيا نازارىندا ۇستاۋ. بەلگىلى ءبىر نىساندارعا ارنايى قۇرىلعان مونيتورينگتىك توپتار ەرەكشە قاجەتتىلىكتەرى بار ادامدارعا كەدەرگىسىز, تاۋەلسىز ورتانى قالىپتاستىرۋ جانە ولار ءۇشىن ينفراقۇرىلىمنىڭ تولىق قولجەتىمدىلىگىن قامتاماسىز ەتۋ, ءىرى, كىشى ساۋدا ورتالىقتارىندا بولىپ, ازىق-تۇلىك تاۋارلارىنىڭ باعالارىنا ساراپتاما جۇمىستارىن جانە ت.ب ماسەلەلەرگە باقىلاۋ جۇرگىزۋدە.
باقىلاۋ كوميسسياسىنىڭ ەڭ العاشقى باستاۋ العان نىسانى – «جاستار سارايى» مادەنيەت ورتالىعى بولدى. مونيتورينگ جۇرگىزۋدە نەگىزگى تالاپتار ەرەكشە قاجەتتىلىكتەرى بار جاندارعا كەدەرگىسىز قولجەتىمدىلىكتى قامتاماسىز ەتۋ بولىپ تابىلادى. ياعني بۇل, ەڭ الدىمەن, عيماراتتارعا كىرۋدى قامتاماسىز ەتۋ – سىرتقى باسپالداق, پاندۋستار, كىرەبەرىس پلاتفورماسى, كىرەبەرىس جانە ىشكى ەسىكتەر, ەسىك تابالدىرىعى مەن باسپالداقتار.
مونيتورينگكە اۋدان اكىمى اپپاراتىنىڭ, نۇر-سۇلتان قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ وكىلدەرى, سونداي-اق پارتيانىڭ اۋداندىق اتقارۋشى حاتشىلارى بەلسەندى مۇشەلەرى قاتىستى.
قالامىزدىڭ حال-احۋالىن, تۇرعىنداردىڭ ماسەلەلەرىن نازارعا الىپ, باقىلاۋ جۇمىسى ءوز جالعاسىن تابۋدا. ورىن الاتىن وزگەرىستەردى تەكسەرۋ ماقساتىندا مونيتورينگ اپتا سايىن جۇرگىزىلىپ وتىراتىن بولادى.
