وڭدەۋ ونەركاسىبىندەگى قىزمەت تۇرلەرىنىڭ ۇلەس سالماعى

استانا قالاسىنىڭ ستاتيستيكا دەپارتامەنتىنىڭ مالىمدەۋىنشە, 2014 جىلعى قاڭتار-اقپاندا ونەركاسىپ ءونىمى (تاۋارلار, قىزمەتتەر) 31,4 ملرد تەڭگەنى قۇرادى, 2014 جىلعى اقپاندا ونەركاسىپ ءونىمىنىڭ ناقتى كولەمىنىڭ يندەكسى 2013 جىلدىڭ قاڭتار-اقپان دەڭگەيىمەن سالىستىرعاندا 77,8%-دى قۇرادى.

ال ءونىم ءوندىرۋدىڭ ناقتى كولەمى 2013 جىلدىڭ قاڭتار-اقپان دەڭگەيىمەن سالىستىرعاندا 34,4%-عا تومەندەدى جانە قولدانىستاعى باعامەن 19,7 ملرد تەڭگەنى قۇرادى. ءوندىرىس كولەمىنىڭ كەمۋى, اسىرەسە,  تاماق ونىمدەرى, مينەرالدىق ونىمدەر, مەتاللۋرگيا ونەركاسىبى جانە ماشينا جاساۋ ونەركاسىبىندە بايقالادى. ەگەر, تاراتا ايتساق, ءداندى جانە وسىمدىك داقىلدارىنان جاسالعان ۇن, ولاردان تارتىلعان ۇن قوسپالارى 9,1%-عا, نان 7,5%-عا, ماكارون 23,3%-عا, سىر جانە ىرىمشىك ءوندىرىسى  6,2%-عا تومەندەدى.

قۇرىلىس يندۋسترياسى كاسىپورىندارىمەن تسەمەنتتەن, بەتوننان نەمەسە جاساندى تاستان جاسالعان قۇرىلىسقا ارنالعان قۇراستىرمالى كونسترۋكتسيالار ەلەمەنتتەرىنىڭ ءوندىرىسى  105,5%-عا, قۇرىلىس قوسپالارىنىڭ ءوندىرىسى  115,3%-عا قامتاماسىز ەتىلگەن.

ماشينا جاساۋداعى ءونىمنىڭ ناقتى كولەمىنىڭ كەمۋى ديزەلدى لوكوموتيۆتەر شىعارۋدى ازايتۋمەن بايلانىستى بوپ وتىر.