«ورتتەن» زارداپ شەككەن جوق
كەشە استانا قالاسىنداعى №54 مەكتەپ-ليتسەيدە ءورت قاۋىپسىزدىگىن تەكسەرۋ ماقساتىندا توتەنشە جاعدايلار جاتتىعۋى ءوتتى.
مەكتەپكە الدىن الا كەلگەن الماتى اۋداندىق ءتوتەنشە جاعدايلار باسقارماسىنىڭ ماماندارى ساعات ءتىلى تۋرا 12.00-ءدى سوققاندا دابىل قاقتى. بۇل كەزدە مەكتەپتە 1153 ادام بولعان. وسىعان دەيىن مەكتەپتە بىرنەشە رەت ءورت قاۋىپسىزدىگى بويىنشا جاتتىعۋلار ۇيىمداستىرىلعان ەدى. سول دايىندىقتاردىڭ اسەرى بولار, دابىل قاققىشتىڭ داۋىسى شىققان ساتتەن-اق مەكتەپتىڭ بەس جاعىنان وقىتۋشىلار باستاعان بالالار لەگ-لەگىمەن سىرتقا شىعا باستادى. ءبىر ايتارلىعى, 5 مينۋتتا مەكتەپ ىشىندەگى 1153 ادام سىرتقا شىعىپ, بەلگىلى ورىندارىنا ءتىزىلىپ ۇلگەردى.
ال, شارتتى تۇردە مەكتەپتىڭ ءۇشىنشى قاباتىندا كۇيىك شالىپ قالىپ قويعان ءبىر ادامدى ءورت ءسوندىرۋشىلەر مەن قۇتقارۋشىلار ارنايى تەحنيكا كۇشىمەن قۇتقارىپ الدى.
الماتى اۋداندىق توتەنشە جاعدايلار باسقارماسى ءورت ءسوندىرۋ قىزمەتىنىڭ باس مامانى ايدار قۇسايىنوۆ مەكتەپ ۇجىمىنىڭ «ءورت كەزىندەگى» قيمىل-ارەكەتىنە جوعارى باعا بەردى. ءورت قاۋىپسىزدىگى بويىنشا جۇرگىزىلگەن جاتتىعۋلاردىڭ جاقسى ناتيجە بەرگەنى ءۇشىن مەكتەپ ديرەكتورى عالياش امريناعا العىسىن ءبىلدىردى.