پاتريوتتىق اندەر فەستيۆالى
«نۇر وتان» حدپ ارداگەرلەر جانە اسكەري-پاتريوتتىق بىرلەستىكتەرى قوعامدىق كەڭەسى مەن اۋعانستان سوعىسى ارداگەرلەرى رەسپۋبليكالىق وداعىنىڭ ۇيىمداستىرۋىمەن «ءانىم ساعان, قازاقستان!» اتتى پاتريوتتىق اندەر فەستيۆالى مارەسىنە جەتتى. قازاق گۋمانيتارلىق زاڭ ۋنيۆەرسيتەتىندە وتكەن شارا بيىل ءتورتىنشى رەت جالعاسىن تاۋىپ وتىر.
تۇڭعىش پرەزيدەنت كۇنىنە ارنالعان ونەر دوداسىندا ەلىمىزدىڭ تۇكپىر-تۇكپىرىنەن كەلگەن ۇمىتكەرلەر باق سىناستى. قازىلار القاسىنىڭ شەشىمىمەن باس جۇلدەنى قوستانايلىق ايگەرىم بالابەكوۆا يەلەنسە, وڭتۇستىك قازاقستان وبلىسىنان كەلگەن سىمبات تاناگوزوۆا ءبىرىنشى ورىندى قانجىعالادى. استانا قالاسىنىڭ نامىسىن قورعاعان جەرلەسىمىز ءمادينا قاپانوۆا ەكىنشى ورىننان كورىندى. سونىمەن قاتار, پەتروپاۆلدىق ۆيكتوريا يلينا, حانتورە تورەحانوۆا, نەسىپباي نۇرلان سىندى ونەرپازدار ارناۋلى سىيلىقتارمەن ماراپاتتالدى.
جەڭىمپازداردىڭ ديپلومدارىن تاپسىرۋعا ارنالعان سالتاناتتى راسىمدە «نۇر وتان» پارتياسى ارداگەرلەر جانە اسكەري-پاتريوتتىق ءبىرلەستىكتەرى قوعامدىق كەڭەسىنىڭ حاتشىسى, اۋعانستان سوعىسى ارداگەرلەرى رەسپۋبليكالىق وداعىنىڭ توراعاسى ءشارىپباي وتەگەنوۆ ءسوز سويلەپ, «بۇل شارانىڭ كەلەشەك بۋىنعا بەرەرى مول. پاتريوتتىق اندەرى نەعۇرلىم كوپ ناسيحاتتاساق, وتانىن ءسۇيەتىن, جەرىن, ەلىن ارداقتايتىن, ۇلتىن ماقتانىش تۇتاتىن ۇل-قىزدارىمىز دا كوبەيە بەرەدى» دەپ اتاپ ءوتتى.
اسحات رايقۇل