استانا قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى قالانىڭ ونوماستيكالىق كوميسسياسى وتىرىسىندا ەلوردانىڭ سانيتارلىق-قورعاۋ ايماعىن «ەلباسى ورمانى» دەپ اتاۋ جونىندە ۇسىنىس جاسادى.
بۇل ۇسىنىستى قۇرامىنا قر پارلامەنتىنىڭ جانە قالالىق ءماسليحاتتىڭ دەپۋتاتتارى, قالالىق باسقارمالاردىڭ باسشىلارى, قوعامدىق ۇيىمداردىڭ, ارداگەرلەر كەڭەسىنىڭ, قالانىڭ جوعارى وقۋ ورىندارى مەن قر ۇلتتىق مۇراعاتىنىڭ وكىلدەرى كىرەتىن زيالى قاۋىم ءبىراۋىزدان قولدادى. ەندى سوڭعى شەشىم رەسپۋبليكالىق دەڭگەيدە قابىلدانادى.
بيىل ەلوردانىڭ جاسىل بەلدەۋ اۋماعىندا 271,9 گەكتار جەرگە 398 434 ەكپە كوشەت وتىرعىزىلدى.
بۇگىنگى تاڭدا ەلوردانىڭ اينالاسىنداعى جاسىل بەلدەۋدىڭ جالپى اۋدانى 15 گەكتار شاماسىندا. ەكپە اعاشتار 11 502,2 گەكتار جەردى الىپ جاتىر. وندا 9,6 ملن استام اعاش پەن 1,8 ملن بۇتا وسىرىلۋدە. جاسىل بەلدەۋدەگى جاپىراقتى اعاش ءتۇرىنىڭ ۇلەسى – 98,2%, قىلقان جاپىراقتىلار –
1,8 پايىز. سونىڭ ىشىندە 13 826 گەكتار جەرگە 12-18 جىلدىق كوشەتتەر وتىرعىزىلدى.
قالا اۋماعىندا ورنالاسقان جاسىل بەلدەۋ ايماعى ەلوردانىڭ كوممۋنالدىق مەنشىگى بولىپ تابىلادى. بەلدەۋ اۋماعىنا وتكەن جىلى 1629 قىرعاۋىل جىبەرىلدى.
تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنشە, كەلەر جىلى مۇندا تاعى دا 400 مىڭعا جۋىق اعاش وتىرعىزۋ كوزدەلگەن.
تاڭاتار تولەۋعاليەۆ
