استانالىق وقۋشىلار مەن كوللەدج ستۋدەنتتەرى استانا قالاسى مەملەكەتتىك مۇراعاتى ۇيىمداستىرعان «استانام – مەنىڭ باس قالام» بايقاۋىنا قاتىستى. بايقاۋ اياسىندا ولار توم-توم كىتاپتاردى اقتارىپ وتىرىپ, قالا تاريحىمەن تەرەڭىرەك تانىسۋعا مۇمكىندىك الدى.
قالانىڭ مەملەكەتتىك مۇراعاتىنىڭ قۇجاتتاردى جاريالاۋ جانە پايدالانۋ ءبولىمىنىڭ باسشىسى باقىت بالتاباەۆا بايقاۋ شارتتارى جىل باسىندا «استانا اقشامى» مەن «ۆەچەرنيايا استانا» گازەتتەرىندە جاريالانعانىن جەتكىزدى.
بايقاۋعا قاتىسۋعا قىرىققا جۋىق مەكتەپ وقۋشىلارى نيەت ءبىلدىردى. سونىڭ ىشىندە بەس اتالىم بويىنشا جەتى جەڭىمپاز انىقتالدى. باستى ماقسات جاسوسپىرىمدەردىڭ ەلوردا تاريحىن قاي دەڭگەيدە بىلەتىندىگىن سارالاۋ بولدى.
– ەسىمدە قالعان بىرنەشە جۇمىستاردى ايتا كەتەيىن. قالالىق №35 مەكتەپتىڭ 11-سىنىپ وقۋشىسى يگور يۆانوۆتىڭ ەڭبەگى ەرەكشە. ول اقمولانىڭ بايىرعى تۇرعىنى, ولكەتانۋشى, جازۋشى اندرەي دۋبيتسكي تۋرالى ماقالا جازدى. بۇگىندە يگور تاريح فاكۋلتەتىنە وقۋعا تۇسۋگە دايىندالىپ ءجۇر. ودان باسقا
№4 مەكتەپ-گيمنازياسىنىڭ وقۋشىسى شۇعىلا ساپاربەكتىڭ جۇمىسىن اتاپ كەتۋ كەرەك. سونداي-اق, بالالاردىڭ قالانىڭ كونە ورىندارىن سۋرەتتەگەن ماتەريالدارى كوپشىلىكتىڭ كوڭىلىنەن شىقتى, – دەدى باقىت بالتاباەۆا.
ماراپاتتاۋ راسىمىندە جەڭىمپازدارعا شاعىن كادەسىي مەن العىس حاتتار تابىستالدى. ايتا كەتەيىك, بايقاۋعا ل. گۋميلەۆ اتىنداعى ەۇۋ تاريح فاكۋلتەتىنىڭ پروفەسسورلارى قازىلىق ەتتى.
گۇلدانا تالعاتقىزى
