استانا قالاسىنىڭ اكىمى اسەت يسەكەشەۆ ەلوردالىق ارداگەرلەرمەن كەزدەستى. بۇل جيىندا قارتتار مەن زەينەتكەرلەرگە الەۋمەتتىك قولداۋ كورسەتۋ جونىندەگى كەشەندى شارالار جايى ءسوز بولدى.
قالالىق ارداگەرلەر كەڭەسىنىڭ توراعاسى سانسىزباي ەسىلوۆ جانە ۇيىم مۇشەلەرىمەن اڭگىمەلەسكەن اكىم باس شاھارداعى الەۋمەتتىك توپتارعا كورسەتىلەتىن كومەك جونىندە ايتتى. زەينەتكەرلەر قوعامدىق كولىكپەن تەگىن جۇرەدى, ۇلى وتان سوعىسىنا قاتىسقاندار مەن مۇگەدەكتەر اي سايىن جەرگىلىكتى بيۋدجەت ەسەبىنەن كوممۋنالدىق تولەمدەر مەن تەلەفون ءۇشىن ابونەنتتىك تولەم جاساۋ جانە تاعى باسقالار ءۇشىن اقشالاي تۇردە الەۋمەتتىك كومەك الىپ تۇرادى.
«پرەزيدەنت ءوزىنىڭ جولداۋلارىندا مەملەكەت حالىقتىڭ الەۋمەتتىك وسال توپتارىنا قولداۋ كورسەتۋگە قارجى ايامايتىنىن جانە موينىنا العان بارلىق الەۋمەتتىك مىندەتتەمەلەردى ورىندايتىنىن اتاپ وتەدى. 2016 جىلدىڭ 1 قاڭتارىنان باستاپ زەينەتاقى تولەمىنىڭ كولەمى 9 پايىزعا ارتتى, مۇگەدەكتىك, اسىراۋشىسىنان ايىرىلعانى بويىنشا جانە جاسىنا قاراي تولەنەتىن مەملەكەتتىك الەۋمەتتىك تولەمدەردىڭ مولشەرى 7 پايىزعا ءوستى» دەدى ءا.يسەكەشەۆ. ونىڭ ايتۋىنشا, ەلوردادا ۇوس ارداگەرلەرى باسپانامەن قامتىلدى, قالالىق اكىمدىك زەينەتكەرلەر مەن ارداگەرلەرگە قولداۋ كورسەتۋدى جالعاستىرادى.
ءوز كەزەگىندە, ارداگەرلەر مەن زەينەتكەرلەر اكىمگە قالا تۇرعىندارىن تولعاندىراتىن ماسەلەلەر جايلى ايتىپ بەردى. جاقىن ارادا قالادا ارداگەرلەردىڭ بوس ۋاقىتىن ءتيىمدى وتكىزۋىنە ارنالعان شاعىن ورتالىقتار اشىلادى. مۇقتاج ازاماتتاردى ءدارى-دارمەكتەرمەن قامتاماسىز ەتۋگە دە باسا نازار اۋدارىلدى. جينالعاندار دارىلىك زاتتاردىڭ باعاسىنىڭ نەگىزسىز وسۋىنە جول بەرمەۋدىڭ ماڭىزدى ەكەندىگىن اتاپ ءوتتى.
كەزدەسۋ سوڭىندا قالا اكىمدىگىنىڭ ءتيىستى باسقارمالارىنا تاپسىرمالار بەرىلدى.
