اقش, ۇلىبريتانيا, گەرمانيا, شۆەيتساريا جانە باسقا ەلدەردىڭ عالىمدارىنان قۇرىلعان حالىقارالىق ساراپشىلار توبى جىل سايىن رەسەي عىلىم اكادەمياسى ەكونوميكالىق زەرتتەۋلەر ينستيتۋتى بازاسىندا الەمدەگى 100 مەملەكەتتىڭ ەكونوميكالىق دامۋ رەيتينگىسىن جاساۋدى داستۇرگە اينالدىرعان. بيىلعى زەرتتەۋلەردىڭ ناتيجەسىندە قازاقستان 34 ورىنعا كوتەرىلگەن.
رەيتينگتى جاساۋ بارىسىندا ناقتى ءبىر مەملەكەتتىڭ ينتەگرالدىق قۋاتىن انىقتاۋ ءۇشىن ەكونوميكالىق ينديكاتورلاردان بولەك, سول ەلدىڭ ىشكى ساياسي تۇراقتىلىعى, سىرتقى ساياساتى, ۇلتتىق قاۋىپسىزدىگى, مەملەكەت پەن ونىڭ باسشىسىنىڭ الەم الدىنداعى بەدەلى, حالىقارالىق قاتىناستارداعى باستامالارى نەگىزگە الىنعان. تىزىمدەگى العاشقى وندىقتى اقش, ەۋروپا وداعى, قىتاي, رەسەي, گەرمانيا, فرانتسيا, ۇلىبريتانيا, جاپونيا, ءۇندىستان, برازيليا سياقتى مەملەكەتتەر باستاپ تۇر.
ء«بىزدىڭ ەسەبىمىز بويىنشا 2025 جىلى الەمدىك رەيتينگتە قازاقستان 10 ورىنعا ىلگەرىلەپ, 24 ورىنعا دەيىن كوتەرىلەدى» دەيدى حالىقارالىق ساراپشىلار توبىنىڭ مۇشەسى رەسەيلىك پروفەسسور الەكساندر اگەەۆ.
