قازاقستان رەسپۋبليكاسىنىڭ ەكولوگيا جانە تابيعي رەسۋرستار ۆيتسە-ءمينيسترى ج.اليەۆ باستاعان قازاقستاندىق دەلەگاتسيا 18-21 ناۋرىزدا جەنەۆا قالاسىندا وتەتىن 2024 مەتان جونىندەگى جاھاندىق فورۋمعا قاتىسۋدا, دەپ حابارلايدى astana-akshamy.kz.
ەستەرىڭىزگە سالا كەتەيىك, قازاقستان بۇۇ-نىڭ كليماتتىڭ وزگەرۋى تۋرالى 28-ءشى كونفەرەنتسياسىندا مەتان بويىنشا جاھاندىق مىندەتتەمەگە قوسىلدى, ول 2030 جىلعا قاراي مەتان شىعارىندىلارىن 2020 جىلعى دەڭگەيدەن 30%-عا القالى تۇردە قىسقارتۋدى بولجايدى. فورۋم بارىسىندا ج. اليەۆ بۇۇ ەەك ساراپشىلار توبىنىڭ شاحتالىق مەتان جانە ءادىل اۋىسۋ جونىندەگى 19-شى سەسسياسى شەڭبەرىندە مەتان بويىنشا جاھاندىق باستامانىڭ (GMI) كومىر شاحتالارى جونىندەگى كىشى كوميتەتىنىڭ ءىس-شاراسىندا ءسوز سويلەدى. ءسوز سويلەۋ بارىسىندا قازاقستاننىڭ كومىر سالاسىنىڭ اعىمداعى دامۋى جانە وسى سالاداعى مەتان شىعارىندىلارىن ازايتۋ جونىندەگى الداعى جوسپارلار تۋرالى باياندالدى.
