الماتى اۋداندىق پوليتسيا باسقارماسى جپقب تابيعاتتى قورعاۋ پوليتسياسى قىزمەتكەرلەرى «نۇرلى جول» ۆوكزالى اۋماعىنداعى ش.قالداياقوۆ كوشەسى بويىنا SCANIA اۆتوكولىگىنىڭ جۇرگىزۋشىسى تۇرمىستىق قوقىس توككەندىگىن انىقتادى.
سول ءۇشىن 1994 جىلى تۋعان ي. ەسىمدى ازاماتقا اكىمشىلىك شارا قولدانىلدى. اكىمشىلىك قۇقىق بۇزۋشىلىق تۋرالى كودەكستىڭ 505-بابى بويىنشا حاتتاما تولتىرىلىپ, 30 اەك (86510 تەڭگە) كولەمىندە اكىمشىلىك ايىپ تاعىلدى.
جۇرگىزۋشىگە مۇنداي جاعدايدى قايتالاماۋ كەرەكتىگى تۋرالى ءتۇسىندىرىلدى. قوقىستى جيناپ, الاش تاسجولى بويىنداعى ەكو-پوليگونعا شىعارۋ جۇمىسى ۇيىمداستىرىلدى.
«رۇقساتسىز توگىلگەن قوقىس قورشاعان ورتاعا كەرى اسەرىن تيگىزەدى. بۇل ماسەلە جەدەل ارەكەت ەتۋدى جانە قاتال شارا قولدانۋدى تالاپ ەتەدى. ءبىزدىڭ ورتاق مىندەتىمىز – قالانىڭ تازالىعىن, اباتتاندىرىلۋىن جۇمىلا وتىرىپ ساقتاۋ. ءوز كەزەگىندە تۇرعىنداردان قوقىستى تاستاۋ مەن قالدىقتاردى جويۋعا بارىنشا جاۋاپكەرشىلىكپەن قاراۋىن سۇرايمىن» دەيدى الماتى اۋدانىنىڭ اكىمى ەرلان بەكمىرزاەۆ.
