وتكەن اپتادا فۋتبولدان ەۋرو-2020 ءتۋرنيرىنىڭ ىرىكتەۋ كەزەڭى اياسىندا قازاقستان ۇلتتىق قۇراماسى شوتلانديا جانە رەسەي كوماندالارىمەن كەزدەسىپ, ءۇش ۇپاي ەنشىلەدى.
بۇل ەكى ويىن دا ءوز الاڭىمىزدا, «استانا ارەنا» ستاديونىندا ءوتتى. الدىمەن 21 ناۋرىز كۇنى شوتلانديا قۇراماسىن قابىلدادى. تەڭ ويىنعا تىلەۋلەس بولىپ جينالعان جانكۇيەرلەرگە قازاقستان قۇراماسى جەڭىس سىيلاپ, مەرەكەلىك كوڭىل-كۇيگە بولەدى. ماتچ 3:0 ەسەبىمەن اياقتالىپ, يۋري پەرتسۋح, يان ۆوروگوۆسكي جانە باقتيەر زاينۋتدينوۆ گولىمەن ەرەكشەلەندى.
اراعا ءۇش كۇن سالىپ, 24 ناۋرىز كۇنى ءدال وسى الاڭدا رەسەي قۇراماسىمەن وينادى. ءبىرىنشى ويىندا بەلگيادان ۇتىلىپ كەلگەن رەسەيلىكتەر ەسەسىن قازاقتاردان قايتاردى. ولار جاۋاپسىز ءتورت گول سوعىپ, جەڭىپ كەتتى.
ءسويتىپ, قازاقستان قۇراماسى «ءى» توبىندا ءبىر جەڭىس, ءبىر جەڭىلىستەن كەيىن ءۇش ۇپايمەن ءۇشىنشى ورىنعا جايعاستى. بۇل توپتا جوعارىدا اتالعان ءتورت قۇراما, سونداي-اق كيپر جانە سان-مارينو – جالپى التى كوماندا وينايدى. ەندى كەلەسى ويىن 19 ماۋسىمدا سىرت الاڭدا توپتىڭ ءفاۆوريتى بەلگياعا قارسى وتەدى.
