نۇر-سۇلتان قالاسى اكىمدىگىنىڭ №49 ورتا مەكتەبىنە الاش قايراتكەرى, جازۋشى, دراماتۋرگ, ادەبيەتشى, ءتىلشى, تاريحشى, كوسەمسوزشى قوشكە كەمەڭگەرۇلىنىڭ ەسىمى بەرىلۋىنە وراي اتالمىش ءبىلىم بەرۋ وشاعىندا «باقىتتى كەلەشەكتەن ءۇمىت ءجىبىن كەسپەيمىن» اتتى حالىقارالىق عىلىمي-تەوريالىق كونفەرەنتسيا ءوتتى. جيىنعا قوشكە كەمەڭگەرۇلى ۇرپاقتارى, زيالى قاۋىم وكىلدەرى, مەكتەپ مۇعالىمدەرى, وقۋشىلارى, جۋرناليستەر جانە اتا-انالار قاۋىمداستىعى قاتىستى.
سالتاناتتى ءىس-شارادا پارلامەنت ءماجىلىسىنىڭ دەپۋتاتتارى قازبەك يسا, امانجول ءالتاي, نۇر-سۇلتان قالاسى ءماسليحاتىنىڭ حاتشىسى ەرلان كاناليموۆ, نۇر-سۇلتان قالاسى ءبىلىم باسقارماسىنىڭ باسشىسى قاسىمحان سەنعازىەۆ, ش.شاياحمەتوۆ اتىنداعى «ءتىل-قازىنا» ورتالىعىنىڭ باس ديرەكتورى ەربول تىلەشوۆ, نۇر-سۇلتان قالاسى تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ, پاۆلودار وبلىسى باياناۋىل اۋدانى ءبىلىم بەرۋ ءبولىمىنىڭ ق.كەمەڭگەروۆ اتىنداعى جالپى ءبىلىم بەرەتىن ورتا مەكتەپ ديرەكتورى ماديان كابدۋوۆا, قازاقستاننىڭ ەڭبەك سىڭىرگەن قايراتكەرى, حالىقارالىق «الاش» ادەبي سىيلىعىنىڭ يەگەرى, جازۋشىلار وداعى نۇر-سۇلتان قالالىق فيليالىنىڭ ديرەكتورى داۋلەتكەرەي كاپۇلى قۇتتىقتاۋ سوزدەرىن ايتتى.
كونفەرەنتسيادا قر ۇعا اكادەميگى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى ديحان قامزابەكۇلى, فيلولوگيا عىلىمدارىنىڭ دوكتورى, پروفەسسور سەرىك نەگيموۆ, م.اۋەزوۆ اتىنداعى ادەبيەت جانە ونەر ينستيتۋتىنىڭ باس عىلىمي قىزمەتكەرى, فيلولوگيا عىلىمدارىنىڭ دوكتورى گۇلجاھان وردا, ءال-فارابي اتىنداعى قازاق ۇلتتىق ۋنيۆەرسيتەتى ا.بايتۇرسىنۇلى اتىنداعى ءتىل ءبىلىمى كافەدراسىنىڭ پروفەسسورى, فيلولوگيا عىلىمدارىنىڭ دوكتورى ورىناي جۇباەۆا, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا جانە ساياساتتانۋ فاكۋلتەتىنىڭ دەكانى, فيلولوگيا عىلىمدارىنىڭ كانديداتى قايرات ساق, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى ساعىمباي جۇماعۇل, فيلولوگيا ماگيسترى, Ege ۋنيۆەرسيتەتى تۇرىك الەمىن زەرتتەۋ ينستيتۋتىنىڭ قىزمەتكەرى ديليارا گوكچە, PhD, انكارا حاجى بايرام ۆەلي ۋنيۆەرسيتەتى ادەبيەت فاكۋلتەتى فولكلور كافەدراسىنىڭ وقىتۋشىسى بەكارىس نۇريمان, «تۇران-استانا» ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ كانديداتى گۇلناز توكەنقىزى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ دوكتورانتى الماس يمانعالي, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قازاق ادەبيەتى كافەدراسىنىڭ مەڭگەرۋشىسى, فيلولوگيا عىلىمدارىنىڭ كانديداتى, وسى مەكتەپتىڭ قامقورشىلىق كەڭەسىنىڭ مۇشەسى قايىربەك كەمەڭگەر قاتىسىپ, بايانداما جاسادى.
ءبىلىم ورداسىنىڭ باسشىسى اراي مۇحامەتجانوۆا مەكتەپتىڭ جەتىستىكتەرى مەن يننوۆاتسيالىق جانە شىعارماشىلىق جۇمىستاردىڭ كورمەسىن جانە «قوشكەتانۋ» ورتالىعىندا قالامگەر ءمۇسىنىنىڭ سالتاناتتى تۇردە اشىلۋىن تاماشالاۋعا شاقىردى.
ءمۇسىندى اشۋ قۇرمەتى قازاقستان رەسپۋبليكاسى پروكۋراتۋراسى ارداگەرلەر كەڭەسىنىڭ توراعاسى اسەت مالعاجدارۇلىنا, نۇر-سۇلتان قالاسى ءبىلىم باسقارماسىنىڭ باسشىسى قاسىمحان سەنعازىەۆكە جانە قوشكە كەمەڭگەرۇلىنىڭ نەمەرەسى ريزابەك نارمانبەتۇلىنا بەرىلدى.
مەكتەپتىڭ تالانتتى وقۋشىلارى قوشكە تۋىندىلارى مەن ءوز شىعارماشىلىقتارىن مانەرىنە كەلتىرىپ وقىپ, ونەرلەرىن كورسەتتى. قازاق ءتىلى مەن ادەبيەتى ءپانىنىڭ مۇعالىمى جانات ەگىنبايقىزىنىڭ جەتەكشىلىگىمەن مەكتەپتىڭ جاس ماماندارىنان قۇرىلعان «جاس قانات» تەاترىنىڭ ءارتىستەرى قوشكەنىڭ 1926 جىلى قىزىلوردا قالاسىندا مەملەكەتتىك ۇلت تەاترىنىڭ رەسمي اشىلۋىندا قويىلعان «التىن ساقينا» پەساسىن ساحنالادى. سالتاناتتى شارا قوشكە ۇرپاقتارى جانە مەكتەپتىڭ دومبىراشىلار ءانسامبلىنىڭ ورىنداۋىنداعى كۇمبىرلەگەن كۇيمەن كوركەمدەلدى.
