قوستاناي وبلىسىنداعى باس قالانىڭ مادەني كۇندەرى اياسىندا استانا قالاسى اكىمىنىڭ ورىنباسارى ەرمەك امانشاەۆ پەن وبلىس باسشىسى ارحيمەد مۇحامبەتوۆ جۇزدەسىپ, ەكى ءوڭىردىڭ الداعى ۋاقىتتاعى ارىپتەستىك بايلانىسىن ءسوز ەتتى.
كەزدەسۋدە ەرمەك امانشاەۆ ەكى ايماقتىڭ قارىم-قاتىناسىن اڭگىمەلەپ: «ءبىز استانانىڭ 20 جىلدىعى مەرەكەسى اياسىندا وسىمەن ەلىمىزدىڭ التىنشى وبلىسىنا ات باسىن تىرەپ وتىرمىز. قازىرگى كۇندە ەلوردامىز سونى باستامالار مەن الەمدىك شارالار وتەتىن ايشىقتى ورداعا اينالدى. استانا مەن قوستاناي وبلىسىنىڭ جان-جاقتى بايلانىسى بۇدان ءارى ورلەي بەرەدى» دەپ ءسوزىن تۇيىندەسە, وبلىس باسشىسى بۇگىندە ەكى ولكە اراسىندا جۇزەگە اسىپ جاتقان ورتاق جوبالارعا توقتالىپ, باس قالادان ۇيرەنەتىن ۇردىستەردىڭ كوپ ەكەندىگىن جەتكىزدى.
ودان كەيىن وڭىرارالىق ارىپتەستىكتى دامىتۋدى كوزدەگەن ەكىجاقتى مەموراندۋمعا قول قويۋ ءراسىمى بولدى. بۇل راسىمگە كاسىپكەرلىك, اۋىلشارۋاشىلىق باسقارمالارى مەن «Astana» الەۋمەتتىك-كاسىپكەرلىك كورپوراتسياسى» ۇك» اق جانە «توبىل» الەۋمەتتىك-كاسىپكەرلىك كورپوراتسياسى» ۇك» اق, «Astana Innovations» كومپانياسى مەن قوستاناي قالالىق اكىمدىگى قاتىستى.
بيىل توبىل ولكەسى كىندىك قالانىڭ مەرەيتويىنا 100-دەن استام ءتۇرلى مادەني شارالار ءتىزىمىن بەكىتكەن.
ەلوردا كۇندەرى شەڭبەرىندە قوست انايلىقتار باس شاھاردان بارعان ونەرپازداردىڭ «استانادان, اق تىلەك!» اتتى كونتسەرتىن تاماشالادى.
ازامات ەسەنجول
