ەلورداداعى «كۇي اتاسى» اتانعان قۇرمانعازى بابامىزعا قويىلعان ەسكەرتكىش 2012 جىلى 4 شىلدە, ياعني قالا كۇنى قارساڭىندا اشىلعان. ونىڭ اۆتورى, ءمۇسىنشى – اسان مولداباەۆ. ءمۇسىن 5, 5 م بيىكتىكتەگى تۇعىرعا ورناتىلعان, جالپى بيىكتىگى – 10 م. ەسكەرتكىشتە كۇيشىنىڭ قولىنا دومبىرا ۇستاپ, كۇيلەرىنىڭ ءبىرىن شىعارىپ وتىرعان ءساتى ايشىقتى بەينەلەنگەن. مۇسىندەگى اسپاپ – كۇيشى دومبىراسىنىڭ ءدال كوشىرمەسى.
قازاقتىڭ كلاسسيك جازۋشىسى ءابىش كەكىلبايۇلى ۇلى كۇيشى تۋرالى: «جۇمىرباستى پەندەلەر, بىزدەر, مىناۋ جارىق دۇنيەگە بۇيرىقتى نەسىبەمىزدى تەرىپ جەپ, ءدام تاۋسىلعان كۇنى ءوز ءجونىمىزدى ءوزىمىز تابۋ ءۇشىن كەلەمىز. ال كوزى باردا ءوزى, كوزى جوقتا ونەرى قاۋىمىنىڭ باسىنا سۇيەسىن, قولتىعىنا دەمەسىن بولاتىن ۇلىلار دۇنيە تۇرعانشا تۇرۋ ءۇشىن تۇرادى. قۇرمانعازى دا سولاي… دۇنيە تۇرعانشا تۇرادى» دەپتى.
