قۇرمەتتى استانالىقتار جانە قالا قوناقتارى!
15-17 قازان ارالىعىندا بولاتىن قۇربان ايت مەرەكەسىنە وراي استانا قالاسىنىڭ اكىمدىگى سانيتارلىق تالاپتاردى ساقتاۋ ماقساتىندا قۇرباندىققا شالىناتىن مالداردى ساتۋ, سويۋ جانە تاراتۋعا رۇقسات ەتىلگەن ارنايى ورىنداردى بەكىتتى.
وسىعان وراي, قۇرباندىق مالدارىن ساتىپ الۋ جانە سويۋ تەك «التىن تاعا» مال بازارىندا (استانا-قوسشى تاس جولى بويىنداعى) جۇرگىزىلەدى. ال, «نۇربەرەكە 555» جشس («كوك» بازارى, الاش تاس جولى, 30); «شاۋمەن» شارۋا قوجالىعى (استانا-سوفيەۆسكي تاس جولى, 9-شاقىرىم); «تەمەش» شارۋا قوجالىعى (استانا-سوفيەۆسكي تاس جولى, 7-شاقىرىم); «ماقسات 2007» جشس («تەمىرجولشىلار» تۇرعىن الابى, اقجار كوشەسى, 20) مەكەن-جايلارىندا تەك قۇرباندىق سويۋعا رۇقسات ەتىلەدى.
قۇربان ايتتىڭ العاشقى كۇنى № 27 قالالىق اۆتوبۋسىنىڭ ءجۇرۋ كەستەسى «نۇر-استانا» مەشىتىنەن (قابانباي باتىر كوشەسى, 21) باستاپ «التىن تاعا» بازارىنا دەيىن ۇزارتىلاتىن بولادى. (اۆتوبۋستىڭ قوزعالىس كەستەسى: تەمىرجول ۆوكزالى – ءبىرجان سال كوشەسى – ءى.ەسەنبەرلين كوشەسى – رەسپۋبليكا داڭعىلى – قابانباي باتىر كوشەسى – استانا-قوسشى تاس جولى – «التىن تاعا» بازارى).
ەسكەرتپە: استانا قالاسى اكىمدىگىنىڭ شەشىمى بويىنشا قۇرباندىق مالدارىن ساتۋ جانە سويۋعا ارنالعان ورىنداردان باسقا جەرلەردە – بالالار وينايتىن الاڭقايلاردا, ءۇي اۋلالارىندا جانە دە ارنايى بەلگىلەنبەگەن ورىنداردا وتكىزۋگە تىيىم سالىنادى.