كەشە 2017-2018 جىلدارداعى جىلىتۋ ماۋسىمىنىڭ قورىتىندىسى مەن كەلەسى ماۋسىمعا دايىندىعى تۋرالى جانە 2018-2020 جىلدارعا ارنالعان «استاناەنەرگوسەرۆيس» اق كومپانيالار توبىنىڭ دامۋ ستراتەگياسىن جۇزەگە اسىرۋدىڭ ناتيجەلەرى جايلى ءباسپاسوز ءماسليحاتى ءوتتى.
جيىن بارىسىندا جىلىتۋ ماۋسىمى مەن كاسىپورىن جايلى ماعلۇمات بەرگەن «استاناەنەرگوسەرۆيس» اق باسقارما توراعاسى ارداق تيەس پەن ونىڭ ورىنباسارلارى جۋرناليستەردىڭ ساۋالدارىنا جاۋاپ بەردى.
– وتكەن جىلدىڭ 27 قىركۇيەگىندە باستالىپ, بيىلعى 10 مامىردا اياقتالعان, ياعني 226 كۇنگە سوزىلعان جىلىتۋ ماۋسىمى قالىپتى دەڭگەيدە ءوتتى. قىس بويى 10 قازاندىق جانە 7 تۋربينالىق اگرەگات جۇمىس ىستەدى. كومىردى تۇتىنۋ شىعىنى 2,76 ميلليون توننانى, مازۋتتى تۇتىنۋ شىعىنى 7,5 مىڭ توننانى قۇرادى, – دەيدى ارداق تيەس.
الداعى جىلىتۋ ماۋسىمى دا ويداعىداي بولاتىنىنا سەنىم بىلدىرگەن «استاناەنەرگوسەرۆيس» اق باسقارما توراعاسىنىڭ ءوندىرىس جونىندەگى ورىنباسارى حارحانباي جۇپارحان مازۋت پەن كومىردىڭ جەتكىلىكتى ەكەنىن تىلگە تيەك ەتىپ, كەلەسى ماۋسىمعا جۇرگىزىلىپ جاتقان دايىندىق جۇمىستارىنا توقتالدى. ونىڭ ايتۋىنشا, الداعى جىلىتۋ ماۋسىمىنا دەيىن №1 جەو-نىڭ بەسىنشى جانە ەكىنشى قازاندىق اگرەگاتتارى مەن ءتورتىنشى تۋربواگرەگاتتارىنا ءجوندەۋ جۇرگىزىلىپ, اۋداندىق قازاندىق جابدىقتارى, تسەحتار, عيماراتتار مەن قۇرىلىس ورىندارىنداعى قوسالقى جابدىقتار جاڭارتىلادى. سونىمەن قاتار, «استانا-تەپلوترانزيت» اق-تا دا بىرقاتار جۇمىستار قولعا الىنىپ, وندا «ەنەرگيانى ۇنەمدەۋ» باعدارلاماسى بويىنشا جىلۋ وقشاۋلاماسى قايتا قالپىنا كەلتىرىلمەك. ال «استانا-اەك» اق-تا كابەلدىك جەلىلەردى اۋىستىرۋ, «زاپادنايا» جانە «گورودسكايا» قوسالقى ستانسالارىن قايتا سالۋ سياقتى بىرقاتار جۇمىستار جۇرگىزىلمەك.
نۇرداۋلەت كاكىشتەگى
