بۇل قالا – قازاعىمنىڭ استاناسى

كەشە قر ۇلتتىق ارحيۆىندە استانا قالاسىنىڭ 20 جىلدىعىنا ارنالعان «ەلدىڭ ءتورى – ەلوردا» اتتى قۇجاتتىق كورمە اشىلدى.

كورمەدە استانا قالاسىنىڭ قالىپتاسۋىنا قاتىستى قۇجاتتار مەن سۋرەتتەر قويىلعان. 1994 جىلعى «جوعارعى كەڭەستىڭ قازاقستان رەسپۋبليكاسىنىڭ استاناسىن اۋىستىرۋ تۋرالى» قاۋلىسىنىڭ, ەلباسى نۇرسۇلتان نازارباەۆتىڭ «اقمولا قالاسىن قازاقستان رەسپۋبليكاسىنىڭ استاناسى ەتىپ جاريالاۋ تۋرالى», «اقمولا قالاسىنىڭ اتاۋىن استانا قالاسىنا اۋىس­تىرۋ تۋرالى» جارلىقتارىنىڭ كوشىرمەلەرى كورەرمەن نازارىنا ۇسىنىلعان. سونىمەن قاتار, باسقا دا ماڭىزدى قۇجاتتارمەن تانىسۋعا بولادى.
تاعىلىمدى ءارى تانىمدىق كورمەنىڭ اشىلۋ سالتاناتىندا قر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ, تۇركيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ۋيانىك نەۆزات جانە باسقا دا قۇرمەتتى مەيماندار ءسوز سويلەپ, ەلوردامىز استانا جايىن­دا جىلى لەبىزدەرىن ءبىلدىردى.
ءماجىلىس دەپۋتاتى, «حالىق قاھارمانى» باقىتجان ەرتاەۆ جينالعان قاۋىمدى الدىمەن ايت مەرەكەسىمەن قۇتتىقتاپ, قيىن كەزەڭدە جاڭا استانا سالۋعا تاۋەكەل ەتكەن ەلباسىنىڭ ەرلىگى جونىندە اڭگىمەلەپ بەردى. «استانا – بۇل بار قازاقتىڭ ەلورداسى, ۇلتتىق ماقتانىشى, بولاشاقتىڭ قالاسى. بۇل قالانىڭ تۇرعىندارى, بىزدەر, باسقالارعا ۇلگى بولۋىمىز كەرەك» دەپ اتاپ ءوتتى مايدانگەر دەپۋتات.
سالتاناتتى اشىلۋ راسىمىنەن كەيىن جۇرتشىلىق كورمەنى ەركىن ارالاپ كوردى. شارا سوڭىندا قازاقستان رەسپۋبليكاسىنىڭ ۇلتتىق ءارحيۆى مەملەكەتتىك مەكەمەسىنىڭ ديرەكتورى جانكەلدى ماحاشوۆ العاشقى كورەر­مەندەرگە العىسىن ءبىلدىرىپ, كورمەنىڭ ءبىر اي بويى جالعاساتىنىن جەتكىزدى.

عالىم قوجابەكوۆ