سوڭعى مالىمەت بويىنشا ەلوردا تۇرعىندارىنىڭ 80 پايىزدان استامى ۇلتتىق ساناقتان ءوتتى.
[smartslider3 slider=481]
ۇلتتىق ساناق ناتيجەلەرىنە قاراپ حالىقتىڭ ءوسىمى, تۇرعىن ۇيلەر, مەكتەپتەر, بالاباقشالار سەكىلدى الەۋمەتتىك نىسانداردىڭ سالىنۋى جايلى بولجام قۇراستىرىلادى. سوندىقتان بۇل ءىس-شاراعا قاتىسۋ ءاربىر قازاقستاندىقتىڭ ازاماتتىق پارىزى بولۋى كەرەك.
كەشە نۇر-سۇلتان قالاسىنىڭ اكىمدىگىندە وتكەن ونلاين-بريفينگتە ەلوردا اكىمىنىڭ ورىنباسارى ماليكا بەكتۇروۆا مەن قر ۇلتتىق ستاتيستيكا بيۋروسى نۇر-سۇلتان قالاسى بويىنشا دەپارتامەنتىنىڭ باسشىسى جورابەك داۋرەنوۆ حالىقتىڭ ۇلتتىق ساناقتان ءوتۋ بارىسى تۋرالى مالىمەت بەردى.
ساناقتان ءوتۋ ءۇشىن ەلوردا تۇرعىندارى 1446, 32 87 61 تەلەفوندارىنا حابارلاسىپ, مامانداردان قاي مەكەنجايدا ساناقتان وتۋگە بولاتىنىن بىلۋىنە بولادى, سونداي-اق ينتەرۆيۋەرلەردى جۇمىس ورنىنا شاقىرتۋعا مۇمكىندىك قاراستىرىلادى. سونىمەن قاتار تۇرعىندار اۋدان اكىمدىكتەرىندە ورنالاسقان ساناق جۇرگىزۋشى قىزمەتكەرلەرگە, جەلتوقسان كوشەسى, 22 مەكەنجايداعى ستاتيستيكا دەپارتامەنتىنە كەلىپ ساناقتان وتە الادى.
ساناق ناۋقانى وسى ايدىڭ سوڭىنا دەيىن جالعاسادى.
