ەلوردا اۋماعىندا 24 قىركۇيەكتەن باستاپ ەەك ەلدەرىندە جانە الىس شەتەلدەردە تىركەلگەن اۆتوكولىكتەردىڭ جول قوزعالىسى ەرەجەلەرىن بۇزۋىن انىقتاۋ بويىنشا رەيدتىك شارالار جۇرگىزىلۋدە.
وسى ۋاقىت ىشىندە «سەرگەك» كامەرالارى ءۇش مىڭعا جۋىق جىلدامدىقتى بۇزۋ جانە جول بەلگىلەرىنىڭ تالاپتارىن ەلەمەۋ دەرەگىن انىقتادى. اۆتوكولىك يەلەرىنىڭ ەرىكتى جانە مىندەتتى ساقتاندىرۋ شارتتارى تۋرالى مالىمەتتەر بازاسىنا سايكەس جول ەرەجەسىن بۇزۋشىلار اۆتوماتتى تۇردە انىقتالادى. الايدا جەكە جۇرگىزۋشىلەر جاۋاپكەرشىلىكتەن جالتارۋ ءۇشىن ساقتاندىرۋ شارتتارىن جاسامايدى. رەيد كەزىندە ساقتاندىرۋ ءپوليسى جوق 58 كولىك انىقتالدى. بارلىق كولىك كوممۋنالدىق اۆتوتۇراقتارعا قويىلدى. تەحنيكالىق رەگلامەنت تالاپتارىنا سايكەس كەلمەيتىن 35 كولىكتەن مەملەكەتتىك نومىرلەر الىندى.
