نۇر-سۇلتان قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى 2020 جىلعى 21 قازاندا 2005 جىلى تۋعان ءجاسوسپىرىم بالانى 2017 جىلدان باستاپ 2020 جىلعا دەيىن بىرنەشە رەت زورلاعان سوتتالۋشى Sid.A.J.-گە قاتىستى قىلمىستىق ءىس بويىنشا القابيلەردىڭ قاتىسۋىمەن ايىپتاۋ ۇكىمىن شىعاردى.
نۇر-سۇلتان قالاسىندا تۇراتىن Sid.A.J. 2005 جىلى تۋعان جاس بالانى 2017 جىلدىڭ جەلتوقسان ايىنان 2020 جىلدىڭ ناۋرىز ايىنا دەيىنگى ارالىقتا ىڭعايلى ساتتەردى پايدالانىپ, ونىڭ جىلاعانىنا قاراماستان, كۇش قولدانىپ جانە جابىرلەنۋشىنىڭ دارمەنسىز كۇيىن پايدالانىپ قورقىتۋ ارقىلى زورلاعان (مۇنداي ارەكەتىنىڭ ۇزىن-سانى 20-دان اسادى).
جابىرلەنۋشى ز.ج. جاسى كىشى جانە سوتتالۋشىدان قورقاتىندىعىنا بايلانىستى, ءىس-ارەكەتتەرىنىڭ ءمان-ماعىناسىن, ماقساتىن تۇسىنبەگەندىكتەن بۇل جونىندە جاسىرىپ, ەشكىمگە ايتپاعان. سوتتالۋشى ءوز كىناسىن مويىنداماعانىمەن, جاساعان قىلمىسى سوتقا دەيىنگى تەرگەپ-تەكسەرۋ ورگاندارىمەن جانە سوت بارىسىندا بەرگەن دالەلدەمەلەرمەن, ءىس ماتەريالدارىمەن, ساراپتاما قورىتىندىلارىمەن راستالدى. قىلمىستىق-پروتسەستىك كودەكستىڭ 29-بابىنا سايكەس, جاساعان قىلمىستار جىنىستىق قىلمىستارعا جاتاتىندىقتان قىلمىستىق ءىس جابىق وتىرىستا قارالدى.
جاسالعان قىلمىستىڭ سيپاتى مەن قوعامعا قاۋiپتiلiك دارەجەسiن, سوتتالۋشىنىڭ جەكە باسىن, جاۋاپتىلىق پەن جازانى جەڭىلدەتەتىن ءمان-جايلاردىڭ جوقتىعىن, قىلمىس جاساعانعا دەيىنگى جانە ودان كەيىنگى مىنەز-قۇلقىن, ونىڭ 2,5 جىل بويى اسا اۋىر ساناتتاعى قىلمىستى وزبىرلىقپەن جاساعانىن ەسكەرىپ, سوتتالۋشىنىڭ تۇزەلۋىنە, جاڭا قىلمىستاردىڭ الدىن الۋعا قاجەتتى جانە جەتكىلىكتى جازانى تاعايىنداۋ تۋرالى قاعيدانى باسشىلىققا الا وتىرىپ, سوتتالۋشىنى تەك قانا قوعامنان وقشاۋلاۋ تۇرىندەگى جازا تاعايىنداۋ ارقىلى تاربيەلەۋگە بولادى دەگەن تۇجىرىمعا كەلەدi. وسىنىڭ نەگىزىندە سوتتالۋشى Sid.A.J.-گە القابيلەردىڭ 100 پايىز قولداۋىمەن 20 جىل جازا تاعايىنداۋ تۋرالى شەشىم قابىلداندى. سوت ۇكىمىمەن Sid.A.J.-گە قىلمىستىق كودەكستىڭ 120-بابىنىڭ 4-بولىگىندە (كامەلەتكە تولماعان بالانىڭ دارمەنسىز كۇيىن پايدالانىپ, جابىرلەنۋشىمەن جىنىستىق قاتىناس جاساعان) كوزدەلگەن قىلمىستى جاساۋدا كىنالى دەپ تانىپ, تۇپكىلىكتى جازا رەتىندە كامەلەتكە تولماعاندارمەن جۇمىس ىستەۋگە بايلانىستى پەداگوگيكالىق جانە ولارمەن جۇمىس ىستەۋگە بايلانىستى باسقا دا لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 20 (جيىرما) جىل مەرزىمگە باس بوستاندىعىنان ايىرۋ جازاسى تاعايىندالدى جانە جازاسىن قاۋىپسىزدىگى بارىنشا جوعارى قىلمىستىق-اتقارۋ جۇيەسى مەكەمەسىندە وتەيتىن بولادى. سوت ۇكىمى زاڭدى كۇشىنە ەنگەن جوق.
قاجىمۇقان مەكەمتاس,
نۇر-سۇلتان قالاسىنىڭ قىلمىستىق ىستەر جونىندەگى
مامانداندىرىلعان اۋدانارالىق سوتىنىڭ سۋدياسى
