STEM سايىسى – يننوۆاتسيالىق وليمپيادا

ەلوردادا العاشقى رەسپۋبليكالىق STEM وليمپياداسىنىڭ قورىتىندىسى شىعارىلدى.نۇر-سۇلتان قالاسىنىڭ اكىمدىگى مەن «استانا Innovations» اق ۇيىم­داستىرعان وليمپياداعا ەلىمىزدىڭ تۇكپىر-تۇكپىرىنەن 500-دەن اسا وقۋشىنى قۇراعان 140 كوماندا قاتىستى. بارلىعى 4 نوميناتسيادان 36 جەڭىمپاز كوماندا انىقتالدى. ولار 3D ۇلگىلەۋ, ينجەنەرلىك ماتەماتيكا, باعدارلامالاۋ جانە جوبالىق روبوتوتەحنيكا بويىنشا ءوز جوبالارىن ۇسىنعان.
ەڭ كوپ نوميناتسيالارعا يە بولعانداردىڭ اراسىندا استانالىق №38 جانە №73 مەكتەپتەر بار. جەڭىمپازدار 3D پرينتەر, نوۋتبۋك, درون, روبوتوتەحنيكا جيىنتىقتارى, ساۋىقتىرۋ لاگەرىنە جولداما سەكىلدى ءتۇرلى جۇلدەلەرگە يە بولدى.
ايتا كەتەيىك, STEM – تەحنيكالىق ءبىلىم بەرۋ سالاسىنداعى سوڭعى جەتىستىكتەردى قامتىعان يننوۆاتسيالىق وليمپيادا. وليمپيادا ينجەنەريا, باعدارلامالاۋ, روبوتوتەحنيكا جانە 3D ۇلگىلەۋ سەكىلدى بولىمدەردەن تۇرادى. قازاقستاندا STEM-زەرتحانالارى بىلتىردان باستاپ اشىلا باستادى. ولاردىڭ العاشقىسى ەلورداداعى №41 مەكتەپكە ورناتىلدى. ال بۇگىندە ەلىمىزدە 90-نان استام STEM-زەرتحانا جۇمىس ىستەپ تۇر.