جۇمىسسىز ازاماتتاردى قولداۋ ماقساتىندا حالىقتى جۇمىسپەن قامتۋ ورتالىقتارى جۇمىس بەرۋشىلەردىڭ وتىنىمدەرى بويىنشا جىل سايىن سۋبسيديالاناتىن جۇمىس ورىندارىن ۇيىمداستىرادى.
سۋبسيديالاناتىن جۇمىس ورىندارىن ۇيىمداستىرۋعا وتىنىمدەر بارلىق مەنشىك نىسانىنداعى كاسىپورىندار مەن ۇيىمداردان قابىلدانادى. باعدارلاماعا ءبىر جىلدان استام ۋاقىت جۇمىس ىستەيتىن, تۇراقتى تۇردە سالىق جانە باسقا دا الەۋمەتتىك تولەمدەر جۇرگىزەتىن, ەڭبەكاقى بويىنشا مەرزىمى وتكەن بەرەشەگى جوق جۇمىس بەرۋشىلەر قاتىسا الادى.
سۋبسيديالاناتىن جۇمىس ورىندارى: قوعامدىق جۇمىستار, الەۋمەتتىك جۇمىس ورىندارى, جاستار پراكتيكاسى, «العاشقى جۇمىس ورنى» جوباسى, «ۇرپاق ساباقتاستىعى» جوباسىن قامتيدى. «العاشقى جۇمىس ورنى» جوباسى العاش رەت جۇمىس ىزدەپ جۇرگەن تۇلەكتەردى جۇمىسقا ورنالاستىرۋعا ارنالعان; 29 جاستان اسپاعان جانە جۇمىس تاجىريبەسى جوق NEET ساناتىنداعى جاستار قاتىسا الادى. ءبىرىنشى جىل ىشىندە ەڭبەكاقىنى سۋبسيديالاۋ كولەمى – 20 اەك-كە دەيىن.
«ۇرپاق ساباقتاستىعى» جوباسى دا جاستارعا ارنالعان, وندا جاس مامان زەينەت جاسىنا جەتىپ, ەڭبەك دەمالىسىنا شىققان ماماندى الماستىرۋعا دايىندالادى. التى اي ىشىندە ەڭبەكاقىنى سۋبسيديالاۋ كولەمى – 20 اەك-كە دەيىن. «جاستار پراكتيكاسى» باعدارلاماسى ول ءۇش جىل بۇرىن ديپلوم العان, جۇمىس تاجىريبەسى جوق 29 جاسقا دەيىنگى جوعارى وقۋ ورىندارىنىڭ تۇلەكتەرى اراسىندا جۇزەگە اسىرىلادى. ءوتۋ ۇزاقتىعى – ەڭبەكاقىنى 25 اەك-كە دەيىن سۋبسيديالاي وتىرىپ, التى اي. «قوعامدىق جۇمىستار» – حالىقتى جۇمىسپەن قامتۋ ورتالىعى ۇيىمداستىراتىن, قىزمەتكەردىڭ الدىن الا كاسىپتىك دايارلاۋدان ءوتۋىن تالاپ ەتپەيتىن, 1 ەتج-دان تومەن ەمەس ەڭبەكاقىنى سۋبسيديالاي وتىرىپ, 12 ايدان اسپايتىن كەزەڭگە الەۋمەتتىك پايدالى باعىتى بار ەڭبەك قىزمەتىنىڭ ءتۇرى. «الەۋمەتتىك جۇمىس ورنى» جۇمىس بەرۋشى تاراپىنان جۇمىسسىزداردى جۇمىسقا ورنالاستىرۋ ءۇشىن قۇرىلادى, ولاردىڭ اراسىندا تۇرمىسى تومەن جانە كوپبالالى وتباسىلاردىڭ مۇشەلەرى, مۇگەدەك بالالاردى تاربيەلەپ وتىرعان ادامدار باسىمدىققا يە. بۇل رەتتە ەڭبەكاقىنى مەملەكەت سۋبسيديالايدى (35%-عا دەيىن). تولىق اقپارات: https://enbek.kz/ru/zaniatost/czn-contacts.
