ءتىلسىز جاۋعا قارسى رەيد

قالالىق توتەنشە جاعدايلار دەپارتامەنتى مەن ەسىل اۋداندىق ىشكى ىستەر ءبولىمى تۇرمىسى تومەن وتباسىلار ءۇشىن ءورت قاۋىپسىزدىگى جونىندە رەيد وتكىزدى.

ۇيىمداستىرۋشىلار پريگورودنىي كەنتىندەگى ون ءۇيدى ارالاپ, ەسىك اشقان تۇرعىندارعا قاۋىپسىزدىك جادناماسىن تاراتتى. بالالارمەن تىلدەسىپ, ولارعا ءورتتى الدىن الۋ شارالارىن ءتۇسىندىردى. «قالادا كۇن سايىن 6-7 ءورت وقيعاسى ورىن الادى. كوپشىلىگىنىڭ شىعۋ سەبەبى – توق وتكىزگىش سىمداردىڭ اقاۋى. دەسە دە, وتكەن جىلى ىشىمدىككە سالىنعان اتا-انانىڭ كەسىرىنەن تۇتانعان وتتا جانىپ كەتكەن ەكى بالانى ۇمىتۋ مۇمكىن ەمەس. سونداي جاعدايلاردى بولدىرماۋ ماقساتىندا ءبىز اي سايىن پروفيلاكتيكالىق رەيد وتكىزىپ, ءتۇسىندىرۋ جۇمىستارىن جۇرگىزەمىز» دەيدى مەملەكەتتىك ءورت باقىلاۋ ءبولىمىنىڭ ينجينەرى ەرمەك يسمايلوۆ. ونىڭ ايتۋىنشا, ەرەسەك ادامداردىڭ كوبى ءوز ومىرىنە نەمقۇرايلى قاراپ قانا قويماي, بالالارىن دا ءتىلسىز جاۋدان ساقتاندىرۋدى ۇمىت قالدىرىپ جاتادى. ۇيدە جالعىز قالعان بالالارمەن اڭگىمەلەسۋ بارىسىندا ولاردىڭ قاۋىپسىزدىك ەرەجەلەرىن بىلە بەرمەيتىندىگىنە كوز جەتكىزدىك. ۇلكەندەر جوقتا ولار ۇتىكتى دە, گازدى دا ءوز بەتىنشە قوسادى ەكەن. ءىىب قىزمەتكەرلەرى بۇلدىرشىندەرگە ءورت قاۋپىن تۋدىراتىن زاتتارعا جولاماۋدى ەسكەرتتى.

سونىمەن قاتار, قۇتقارۋشىلار بۇرىس پايدالانىلعاندا ۇلكەن قاۋىپ توندىرەتىن گاز باللونداردى قاي جەردە ورنالاستىرعان ابزال ەكەندىگىن ايتىپ, جارامدىلىعىن تەكسەرۋ ءادىسىن دە كورسەتتى.

ءمادينا جاقىپ