اقش-تىڭ بۇرىنعى پرەزيدەنتى دونالد ترامپ وزىنە تاعىلعان قىلمىستىق ايىپتاردى مويىندامادى. ايىپتاردىڭ ءبىرى رەتىندە – ايگىلى پورنوجۇلدىزعا 2016 جىلى پرەزيدەنتتىك سايلاۋعا تۇسەردە اۋىزباستىرىق رەتىندە 130 مىڭ دوللار پارا بەرگەنى دە ايتىلادى. قۇقىق قورعاۋ سالاسىنداعى ساراپشىلاردىڭ پىكىرىنشە, بۇل ءىس ترامپتىڭ 2024 جىلى پرەزيدەنتتىككە تۇسۋىنە كەدەرگى بولا المايدى.
سوت وتىرىسى سەيسەنبىدە ساعات 14:15-كە بەلگىلەنگەن ەدى. الدىمەن, كادىمگى كۇدىكتى رەتىندە ترامپتان ساۋساق تابىن العان, بىراق فوتوسۋرەت تۇسىرۋگە رۇقسات ەتىلمەدى. نيۋ-يورك شتاتى جوعارعى سوتىنىڭ سۋدياسى حۋان مەرچان باق-نىڭ پروتسەستى ءتۇسىرۋ تۋرالى وتىنىشتەرىن قابىلدامادى. سول ماڭعا اقش-تىڭ بۇرىنعى پرەزيدەنتىن قولدايتىن توپ «ترامپ جەڭەدى, امەريكانى ساقتايىق» دەگەن ۇراندار جازىپ, كوشەگە شىقتى.
دونالد ترامپ الەۋمەتتىك جەلىدەگى جازباسىندا مانحەتتەننىڭ قىلمىستىق سوتى «ءىستى قاراۋ ءۇشىن وتە ادىلەتسىز ورىن» دەپ مالىمدەدى جانە سوت وتىرىسىن رەسپۋبليكاشىلارعا ۇنەمى داۋىس بەرەتىن ستاتەن-ايلەندتە وتكىزۋگە شاقىردى.
