حالىقتىڭ الەۋمەتتىك جاعدايىن جاقسارتۋ – بيلىكتىڭ ءبىرىنشى كەزەكتەگى مىندەتى. وسى ورايدا تۇرعىنداردىڭ ءوتىنىشىن جاناشىرلىقپەن ورىنداعان ازاماتتارعا العىس ايتۋدى ءجون كوردىم.
ەلوردانىڭ تۇرعىنى, الماتى اۋداندىق ارداگەرلەر ۇيىمىنىڭ بەلسەندى مۇشەسى رەتىندە بيىلعى جازدا قالا ىرگەسىندەگى 41-رازەزگە جۇرەتىن № 304, 322 جانە 316 قوعامدىق اۆتوبۋستارى سوڭعى جىلدارى تۇرعىندارى كۇرت ءوسىپ, سايكەسىنشە تۇرعىن ۇيلەرى كوبەيىپ بارا جاتقان «نۇرلى» ەلدى مەكەنىندە ايالداما اشۋدى سۇراپ استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىنا, الماتى اۋدانىنىڭ اكىمدىگىنە, سونداي-اق بۇرىنعى يندۋستريا مينيسترلىگىنە حات جولداپ, كومەك سۇراعان ەدىم.
بۇرىن استانادان جۇرەتىن اۆتوبۋستار «نۇرلى»-عا توقتاماي وتە شىعاتىن, ال ۇلكەن جولدىڭ بويىنان ءتۇسىپ قالعان ادامدارعا 3-4 شاقىرىم جۇرۋگە تۋرا كەلەتىن. بۇل جاعداي كوكتەم, كۇز جانە قىس مەزگىلىندە وتە قيىن بولاتىن ەدى. اسىرەسە, بالالار ءۇشىن قاۋىپتى دە بولاتىن.
ەندى, مىنە, ەلدى مەكەننىڭ بۇل جاعدايى شەشىمىن تاپتى, ءوتىنىشىمىز ورىندالدى. اۆتوبۋستار توقتايتىن بولدى, ايالداما جاسالدى.
وسى ماسەلەنى شەشۋگە مينيسترلىكتىڭ جول باسقارماسى ءبولىمىنىڭ مامانى ەرجىگىت سەيىتجاپپار, الماتى اۋدانى اكىمدىگىنىڭ اعا ينسپەكتورى ماديار توقپاقوۆ, «قازاۆتوجول» كومپانياسىنىڭ ديرەكتورى نۇرجان ومىرزاقوۆ, جەتەكشى قىزمەتكەرلەرى جانمۇرات بەكتۇرعانوۆ, ابىلاي قامزين, STS كومپانياسىنان ناعاشىباي شالمانوۆ, استانا قالاسى اكىمدىگىنىڭ كولىك جانە جول-كولىك ينفراقۇرىلىمىن دامىتۋ باسقارماسىنان بايىرجان تايبەرگەنوۆ تۇرعىندار اتىنان بەرىلگەن ءوتىنىشىمىزدى دۇرىس ءتۇسىنىپ, وق شەشىمىن قابىلداۋعا كومەكتەستى. وسى ازاماتتاردىڭ بارىنە ۇلكەن ريزاشىلىعىمدى بىلدىرەمىن. دەنساۋلىقتارىنىڭ مىقتى, ەڭبەكتەرىنىڭ جەمىستى بولۋىنا تىلەكتەسپىن.
حالىقتىڭ مۇددەسىن تۇسىنەتىن وسىنداي باسشىلار مەن ماماندارىمىز كوپ بولسا ەكەن دەيمىن.
زەينەگۇل بليكوۆا,
استانا قالاسى
الماتى اۋداندىق ارداگەرلەر ۇيىمىنىڭ مۇشەسى
