1 جانە 2 ماۋسىمدا نۇر-سۇلتان قالاسىنداعى «قازاقستان» سپورت سارايى الاڭىندا تۇركىستان وبلىسىنىڭ اۋىلشارۋاشىلىق ونىمدەرى جارمەڭكەسى وتەدى. جىل سايىن ءداستۇرلى تۇردە وتكىزىلىپ كەلە جاتقان بۇل جارمەڭكەگە قالا تۇرعىندارىن ارزان اۋىلشارۋاشىلىق ونىمدەرىمەن قامتاماسىز ەتۋ ماقساتىندا جالپى قۇنى 116 ملن تەڭگەنى قۇرايتىن 365 توننا ءونىم اكەلىندى.
جارمەڭكەدە وتاندىق ونىمدەر بازار باعاسىنان 10-15 پايىز تومەن باعادا ساتىلادى. بۇعان قوسا, 1 ماۋسىم – حالىقارالىق بالالاردى قورعاۋ كۇنىنە وراي ارنايى ورىن بەلگىلەنىپ, 16 جاسقا دەيىنگى بالالارعا تۇركىستان وبلىسى كاسىپورىندارى وندىرگەن تابيعي تازا بالمۇزداق پەن ءسۇت ونىمدەرى تەگىن ۇلەستىرىلەتىن بولادى.
