پرەزيدەنت قاسىم-جومارت توقاەۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتورايىمى ناتاليا گودۋنوۆانى قابىلدادى. اقوردانىڭ ءباسپاسوز قىزمەتى حابارلاعانداي, ەسەپ كوميتەتىنىڭ ءتورايىمى مەملەكەت باسشىسىنا داعدارىسقا قارسى شارالارعا بولىنگەن قارجىنىڭ جۇمسالۋىنا مونيتورينگ جۇرگىزۋ بارىسى جانە كۆازيمەملەكەتتىك سەكتور كومپانيالارىنىڭ اكتيۆتەرىن ءتيىمدى باسقارۋعا جۇرگىزىلگەن ءاۋديتتىڭ الدىن الا قورىتىندىلارى تۋرالى ەسەپ بەردى.
ناتاليا گودۋنوۆانىڭ ايتۋىنشا, ەكونوميكانى قولداۋعا جانە پاندەميامەن كۇرەسكە باعىتتالعان رەسۋرستاردى ەسەپ كوميتەتى مەن تەكسەرۋ كوميسسيالارى ءجىتى باقىلاپ وتىر. ۇكىمەت قابىلداعان شارالاردىڭ الەۋمەتتىك-ەكونوميكالىق تيىمدىلىگى وسى جىلدىڭ سوڭىنا دەيىن باعالاناتىن بولادى.
قاسىم-جومارت توقاەۆ ەسەپ كوميتەتىنىڭ جاقىندا وتەتىن وتىرىسىندا اۋديت قورىتىندىلارىن زاڭناماعا سايكەس قاراستىرۋدى جانە مەملەكەتتىك اكتيۆتەردى ءتيىمسىز باسقارۋعا قاتىستى انىقتالعان دەرەكتەر بويىنشا ناقتى ۇسىنىستار ەنگىزۋدى تاپسىردى. پرەزيدەنتتىڭ پىكىرىنشە, ەسەپ كوميتەتى اۋقىمدى ءارى ءتيىمدى جۇمىس جۇرگىزىپ وتىر. مەملەكەت باسشىسى بۇل جۇمىستاردى جەكە باقىلاۋىندا ۇستايتىنىن اتاپ ءوتتى.
