ۇساقتى قوزعاساڭ – ۇساقتالاسىڭ
زايم نا كارتۋ وت 15000 سوڭعى اپتا بەدەرىندە جۇرتشىلىق جاپا-تارماعاي پىكىر ءبىلدىرىپ, ءۇن قوسىپ, ساراپتاما, بولجام جاساپ نەمەسە كۇمان قوساقتاپ, باستى تاقىرىپقا اينالدىرۋى ءتيىس ءبىر ماسەلە ەسكەرىلمەي, ەلەۋسىزدەۋ قالىپ قويعان سياقتى كورىندى. بىلاي قاراساڭ, ەلىمىز بەن جۇرتشىلىق ءۇشىن وتە وزەكتى, بايىپتى, تاعدىرشەشتى جايتتار. ارقايسىسىمىزعا تىكەلەي دە, جاناما دا اسەرى بولۋى, ءبىلىنۋى, كورىنۋى ءتيىس جوبالار. ءبىز نەنى ايتىپ وتىرمىز؟ مەملەكەت باسشىسى قاسىم-جومارت توقاەۆ ارنايى جارلىعىمەن بەكىتىپ, ۇكىمەت ىسكە اسىرۋدى قولعا العان ۇلتتىق جوبالار تۋرالى ايتىپ وتىرمىز. تاياۋداعى ءتورت جىلدا ىسكە اسىرىلۋى, ورىندالۋى ءتيىس 10 ۇلتتىق جوبانىڭ بارلىعى دا ماڭىزدى. قوعامداعى وزەكتى ماسەلەلەردىڭ ءبارى قامتىلعان: دەنى ساۋ ۇلت, تسيفرلاندىرۋ, تەحنولوگيالىق سەرپىلىس, قۋاتتى وڭىرلەر, ءبىلىمدى ۇلت, كاسىپكەرلىكتى دامىتۋ, اگروونەركاسىپتى جانداندىرۋ, قاۋىپسىز ەل, ۇلتتىق رۋحاني جاڭعىرۋ, «جاسىل» قازاقستان سياقتى كەزەك كۇتتىرمەي قولعا الىنۋى ءتيىس مىندەتتەر تىزبەلەنگەن. ەڭ باستىسى, ورىندالۋ مەرزىمى, بولىنەتىن قارجى, جاۋاپتى مەكەمەلەر, تۇلعالار دا ناقتىلانعان. ماسەلەن, شاعىن جانە ورتا بيزنەستىڭ جالپى ىشكى ونىمدەگى ۇلەسىن 35 پايىزعا ارتتىرىپ, كەرىسىنشە, مەملەكەتتىڭ ەكونوميكاداعى ۇلەسىن 14 پايىزعا دەيىن تومەندەتۋ كوزدەلىپتى. وسى سالادا 1 ميلليونعا جۋىق جاڭا جۇمىس ورنى قۇرىلماق. تۋريزمنەن تۇسەتىن قارجى دا ەسەلەپ ارتپاقشى. ال «تۋعان جەر» دەگەن باعدارلاما اياسىندا مەتسەناتتاردان 7,2 ميلليارد تەڭگە كومەك بولادى, بۇل اۋىلدارداعى مادەني وشاقتاردى جاڭعىرتىپ, جايناتادى دەپ جوسپارلانىپتى. ۇكىمەت سايتىندا بۇگە-شىگەسىنىڭ ءبارى تۇر. تانىسامىن دەسەڭ, كەدەرگى جوق.
ۇلكەن مىندەتتەر, اۋقىمدى جوسپارلار قالاي ىسكە اسادى, تەك قاعازدا قالماي ما, قارجى تولىق جەتە مە, قولدى بولىپ كەتپەي مە, ناتيجە دۇرىس بولا ما, باقىلاۋ بوساڭسىماي ما, كىم قاداعالايدى؟ وسى جوبالار ىسكە اسسا تۇرمىس تۇزەلە مە, ەڭسە تىكتەلە مە, ەل قالاي وزگەرەدى دەگەن سياقتى ساۋالدار ورتاعا تاستالىپ, گازەت-جۋرنال اشىپ قالساڭ, تەلەديدار قوسىپ قالساڭ, الەمجەلىگە كوز سالساڭ, ۇلكەن پىكىرتالاس, ساراپتامالاردان كوز ءسۇرىنۋى, قۇلاق جاڭعىرۋى ءتيىس ەدى. باسشى دا, قوسشى دا, ساراپشى دا, ساياتشى دا ۇلتتىق جوبالار توڭىرەگىندە وي-پىكىر دوداسىن قىزدىرىپ جاتۋى كەرەك سياقتى ەدى. وكىنىشكە قاراي, اپتانىڭ باستى تاقىرىپتارى – اۋعان بيلىگىنە كەلگەن تالىپتەرمەن كەزدەسكەن ءبىزدىڭ ديپلوماتتاردىڭ كيىمى مەن ساقالى, جات جۇرتقا, وزگە ناسىلگە ۇزاتىلعان قازاق قىزىنىڭ سىڭسۋى, ارتىستەردىڭ باسقا ەلگە كوشۋى, پوليتسيا باستىعىنىڭ قاراماعىنداعى قىزمەتكەرلەرگە قول جۇمساۋى, كىتاپ جوعالۋى, ەركە ەسماحاننىڭ «ەركە» قىلىقتارى سياقتى قانى جەرگە تامباي تۇرعان «ماڭىزدى» وقيعالار. وسىنداي ۇساق-تۇيەكتەردەن اياق الىپ جۇرە المايسىڭ. قازىر وسى سياقتى كۇن سايىن قايتالاناتىن «كوڭىلدى» وقيعالار ءبىزدىڭ كوڭىلىمىزدى «وسىرمەسە», تۇرمىسىمىزدى تۇزەپ جاتقان جوق.
ۇساق-تۇيەكتى قوزعايمىز دەپ ءوزىمىز دە ۇساقتالىپ بارا جاتقان جوقپىز با؟ ۇلت, ۇلتتىق جوبا, ۇلتتىق مۇددە دەگەن سياقتى ساليقالى اڭگىمە ايتىلسا, بىرەۋ «قويشى سونى» دەپ ىرجيىپ كۇلىپ تۇرعان سياقتى كورىنەدى. ونىسى نەسى ەكەن؟!.