بەيبىتشىلىك پەن دامۋعا قىزمەت ەتەتىن دۇنيەجۇزىلىك عىلىم كۇنىنە وراي 2021 جىلدىڭ 26-29 قازان ارالىعىندا نۇر-سۇلتان قالاسىندا III نوبەل فەستيۆالى وتەدى. قازاقستان رەسپۋبليكاسىنىڭ تۇڭعىش پرەزيدەنتى-ەلباسى كىتاپحاناسىنىڭ, ينكليۋزيۆتى دامۋ قورى جانە G-Global جوباسى دەمەۋشىلىگىمەن «بولاشاق – بۇگىن» تاقىرىبىندا وتەتىن فەستيۆال نەگىزگى ءتورت باعىتتى قامتيدى. ولار «جاسىل شىندىق», «يننوۆاتسيالار عاسىرى», «ادامدار ءۇشىن ەكونوميكا», «بولاشاق ماماندىقتارى» دەپ اتالادى.
فەستيۆالدە نوبەل سىيلىعىنىڭ لاۋرەاتتارى, عىلىم سالاسىنداعى بەدەلدى سىيلىق لاۋرەاتتارى, ءىرى كورپوراتسيالار مەن حالىقارالىق ۇيىمداردىڭ باسشىلارى, جەتەكشى وتاندىق جانە شەتەلدىك ساراپشىلاردىڭ قاتىسۋىمەن زامانىمىزدىڭ وزەكتى ماسەلەلەرىنە ارنالعان 30 پانەلدىك سەسسيا وتەدى.
بيىلعى فەستيۆال سپيكەرلەرىنىڭ قاتارىندا ەكونوميكا بويىنشا نوبەل سىيلىعىنىڭ 2020 جىلعى لاۋرەاتى پول ميلگروم, نوبەل سىيلىعىنىڭ 2011 جىلعى لاۋرەاتى تاۆاكۋل كارمان, فيزيكا سالاسىندا جاڭالىق اشقان 2012 جىلعى سىيلىق لاۋرەاتى حۋان مالداسەنا, «ادامزاتتىڭ قىسقاشا تاريحى», «بولاشاقتىڭ قىسقاشا تاريحى» اتتى الەمدىك بەستسەللەرلەردىڭ اۆتورى يۋۆال نوي حاراري, «باقىت فورمۋلاسى. قۋانىش الگوريتمىن قۇراڭىز» بەستسەللەرىنىڭ اۆتورى, «Google X»-ءتىڭ بۇرىنعى كوممەرتسيالىق ديرەكتورى مو گاۆدات, Apple Siri قۇراستىرۋشىسى ليۋك دجۋليا, كريپتوۆاليۋتانىڭ ايگىلى ساراپشىسى گارريك حيللەمان, ت.ب. بار.
نوبەل سىيلىعىنىڭ لاۋرەاتتارىنىڭ دارىستەرى Nobel Fest-ءتىڭ باستى وقيعاسى بولىپ تابىلادى. جىل سايىن 15-تەن استام نوبەل سىيلىعىنىڭ لاۋرەاتى قازاقستاندىق ۋنيۆەرسيتەتتەر مەن ستۋدەنتتەر ءۇشىن ارنايى دارىستەر وقيدى. قازاقستان ۋنيۆەرسيتەتتەرى جانە عىلىمي-زەرتتەۋ ينستيتۋتتارى ءۇشىن نوبەل لاۋرەاتتارىنىڭ دارىستەرىن وتكىزۋ نوبەل لاۋرەاتىنىڭ ەكسكليۋزيۆتى ءدارىسىن الۋدىڭ, اتاقتى لاۋرەاتتى ۋنيۆەرسيتەتتىڭ لەكتورى رەتىندە قوسۋدىڭ جانە الەمدىك رەيتينگتەردە ءوز پوزيتسيالارىن نىعايتۋدىڭ بىرەگەي مۇمكىندىگى بولىپ تابىلادى.
