زاڭدى بىلمەگەن, تۋدى دۇرىس ىلمەگەن

رەداكتسيامىزعا حابارلاسقان ايگەرىم ەسىمدى وقىرمانىمىز: «اباي كوشەسى 8- مەكەن-جايىندا ورنالاسقان «گولكيپەر» سپورت-باردا ىلىنگەن مەملەكەتتىك تۋدىڭ ورنالاسۋ ءتارتىبىن بىلگىم كەلەدى. ول جەردە ءار ەلدىڭ تۋى اركەلكى ورنالاسقان. قازاقستان مەن تۇركيا جالاۋىنىڭ جانىنا يزرايل ەلىنىڭ كولەمى ۇلكەن تۋى ىلىنگەن. مۇندا ءبىر ساياسي استار بارى انىق كورىنىپ تۇر. ويىن تاماشالاۋعا كەلگەن جاستار الگى جاعدايعا نارازىلىق ءبىلدىرىپ, سۇراۋ سالماقشى بول­عان­دا, بار قىزمەتكەرلەرى ماردىمدى جاۋاپ بەرمەدى. بۇل ماسەلەگە قالا پرو­كۋراتۋراسىنىڭ نازار اۋدارۋىن سۇراي­مىن. كافە يەسى كىم بولسا دا, وسىلايشا مەم­لەكەتتىك تۋدى قور قىلىپ ىلۋگە نەمەسە قالاي بولسا سولاي ورنالاستىرۋعا قۇقى بار ما؟» دەيدى.
وقىرمان ساۋالى بويىنشا, استانا قالاسىنىڭ پروكۋراتۋراسىنا حابارلاسقان ەدىك. كەشە وسى ماسەلەگە بايلانىستى اس­تانا قالاسى پروكۋراتۋراسىنىڭ باس­قار­ما پروكۋرورى ەركەبۇلان ەرەكەشوۆ ءتۇ­سىنىكتەمە بەردى. «استانا قالاسى پرو­كۋ­راتۋراسىنىڭ تاپسىرماسىنا ءساي­كەس قالالىق ىشكى ساياسات باسقارماسى اتال­مىش عيماراتتاعى مەملەكەتتىك تۋ­دىڭ ورنالاسۋ ءتارتىبىن تەكسەردى. ءناتي­جە­سىندە, مەملەكەتتىك ءرامىزدىڭ, ياعني, مەم­لەكەتتىك تۋدىڭ زاڭعا سايكەس ءىلىن­بە­گەندىگى انىقتالدى. ناقتىراق ايتساق, مەملەكەتتىك رامىزدەر تۋرالى كونس­تي­تۋتسيالىق زاڭنىڭ 4-بابىندا كورسە­تىلگەن ەرەجەلەر بۇزىلعان. وسىعان بايلانىستى نىسان باسشىلىعىنا ارنايى ءتۇسىندىرۋ جۇمىستارى جۇرگىزىلىپ, مەملەكەتتىك تۋ شەشىلىپ الىندى. قالا تۇرعىندارى مەن قوناقتارىنىڭ نازارىنا وسىنداي زاڭ بۇزۋشىلىقتارعا جولىققان جاعدايدا دەرەۋ قالا پروكۋراتۋراسىنا حابارلاۋلارىن سۇرايمىز» دەيدى ول.