نۇر-سۇلتان قالاسىنىڭ اكىمى التاي كولگىنوۆ «جاعالاۋ-3» تۇرعىن ءۇي كەشەنىنىڭ №30 بلوگىنداعى قۇرىلىس بارىسىمەن تانىستى. وتكەن جىلى وسى تۇرعىن ءۇيدىڭ ۇلەسكەرلەرىمەن كەزدەسۋ ءوتىپ, قۇرىلىستى اياقتاۋ كەستەسى جاسالعان ەدى.
ءۇي̆دىڭ ءوزى 8 جىل بۇرىن سالىنا باستاعان. ءوز كەزەگىندە شەشىلمەگەن ماسەلەلەرى از ەمەس. ويتكەنى بۇل پروبلەمالى نىسانعا اينالعان. قازىر ول ماسەلەلەر بىرتىندەپ شەشىلۋدە, بۇگىنگە تۇرعىن ءۇي̆ 90 پايىزعا داي̆ىن. ينجەنەرلىك جەلىلەر (سۋ, جارىق, كارىز) ۋاقىتشا قوسالقى ستانساعا قوسىلدى. قازىر قالالىق قوسالقى ستانساعا قوسۋ جۇمىستارى جۇرگىزىلىپ جاتىر. ءۇي̆ جىلىتۋ ماۋسىمىنا داي̆ىن بولادى. قاسبەت, ليفت ورناتۋ, اباتتاندىرۋ جۇمىستارى دا جولعا قويىلدى. ءۇي قۇرىلىسى بيىل اياقتالىپ, ۇلەسكەرلەرگە پاتەر كىلتى جىلدىڭ سوڭىنا دەي̆ىن بەرىلەدى دەپ جوسپارلانۋدا.
سونداي̆-اق قالا باسشىسى №28 جانە №29 بلوكتاردىڭ پروبلەمالىق ماسەلەلەرىن شەشۋدى دە تالقىلادى. №37 بلوك بويىنشا «ەلوردا قۇرىلىس كومپانياسىنا» ۇلەسكەرلەرمەن كەزدەسىپ, شەشىم قابىلداۋ تاپسىرىلدى. 2020 جىلى بارلىعى 20 كوپپاتەرلى تۇرعىن ءۇي̆ كەشەنى پاي̆دالانۋعا بەرىلەدى. بۇل 8 مىڭ ۇلەسكەردىڭ ماسەلەسىن شەشۋگە مۇمكىندىك بەرەدى.
