بۇگىندە ەلوردادا كوشە جانە ورالىم ءىشىن جارىقتاندىرۋ جۇمىستارى بەلسەندى اتقارىلۋدا. بۇعان دەيىن قالانىڭ 600 كوپ قاباتتى تۇرعىن ۇيلەردەگى ەسكى شامداردى جاڭا ۇلگىدەگى شامدارمەن اۋىستىرۋ جۇرگىزىلدى.
ماسەلەن, شاھاردا جىل باسىنان بەرى قوسىمشا 1500 شام ورناتىلعان, ونىڭ 700-دەن استامى – جارىقديودتى شام.
«استانا قالالىق جارىق» جشس دەرەگى بويىنشا, جاڭا شامدار وڭتۇستىك-شىعىس اۋدانىنا, زارەچنىي, تەلمان, اگروقالاشىق تۇرعىن ءۇي الاپتارىنا قويىلدى. سونداي-اق اتباسار, يمانوۆ, ءۋاليحانوۆ, ساتباەۆ, كۇيشى دينا, ابىلايحان, ق.رىسقۇلبەكوۆ, ايناكول جانە ا.بايتۇرسىنوۆ كوشەلەرىندەگى كوپ قاباتتى ۇيلەرگە جارىق ورناتىلدى. ال ستۋدەنتتەر ساياباعىنداعى ەسكى باعانالارعا قويىلعان شامدار جاڭا جارىقديودتى شامدارعا اۋىستىرىلدى.
سونىمەن قاتار بايقوڭىر اۋدانىنداعى كوشەلەرگە 270 مەتر كابەلدى مونتاجداۋ جۇمىستارى جۇرگىزىلدى. ەسىل اۋدانىنداعى 116 مەتر كابەل جەلىلەرى قايتا قالپىنا كەلتىرىلدى.
قازىرگى كۇندە ە 16, ش.ايتماتوۆ كوشەسى مەن قورعالجىن تاس جولى ورالىمىن جارىقتاندىرۋ جۇمىستارى ىستەلدى. جىل سوڭىنا دەيىن بايقوڭىر اۋدانىنداعى 53 كوشەگە, سارىارقا اۋدانىنا قاراستى جەلدىرمە, بەسشاتىر كوشەلەرىنە جانە قوعالى, مارالساي تۇيىق كوشەسىنە جانە شىعىس يلينكا تۇرعىن الابىنا ورناتۋ جوسپارلانعان.
