اللو, «استانا اقشامى»!
سەرىك قايراتۇلى, استانا قالاسىنىڭ تۇرعىنى:
– استانا قالاسىنداعى قوعامدىق كولىكتەردە جوعالعان نەمەسە ۇمىت قالدىرىلعان زاتتاردى قايدان تابۋعا بولادى؟ ارنايى ورىندار قاراستىرىلعان با؟
بۇل ساۋالعا «Astana LRT» جشس ءباسپاسوز حاتشىسى ءاليا جاركىمبەكوۆا جاۋاپ بەردى.
– مۇنداي جاعدايدا بىزگە حابارلاسىڭىزدار نەمەسە Instagram, Facebook الەۋمەتتىك جەلىلەرىندەگى پاراقشالارىمىزعا جوعالتىپ العان زاتىڭىز جايلى جازىڭىزدار. ەلوردادا اۆتوبۋس جۇرگىزۋشىلەرى جۇمىس ۋاقىتى اياقتالعاننان كەيىن سالون ىشىنەن تابىلعان زاتتاردى اۆتوپارككە وتكىزەدى. جوعالعان مۇلىكتەرىڭىز سول جەردە ساقتالىپ تۇرادى. «Astana LRT» بايلانىس ورتالىعىنا وسى ماسەلەگە قاتىستى كۇنىنە 3-4 ادام حابارلاسادى.
ال جولاۋشى ەڭ الدىمەن ءمىنگەن اۆتوبۋسىنىڭ قاي اۆتوپارككە باعىناتىنىن انىقتاپ العانى ءجون.