تۇڭعىش پرەزيدەنت كۇنى استانادا سالتاناتتى شارالار كوپ بولدى. ءوزىم كۋا بولعان «ءبىر ەل! ءبىر تاعدىر! ءبىر ەلباسى!» اتتى مەرەكەلىك كونتسەرت وتە جوعارى دەڭگەيدە ۇيىمداستىرىلدى دەسەم, ارتىق ايتقانىم ەمەس. ەلوردانىڭ «سارىارقا» ۆەلوترەگىندە وتكەن اتالمىش كونتسەرتكە ون مىڭعا جۋىق جاستار قاتىستى.
| استانا قالاسىنىڭ تۇرعىندارى مەن قوناقتارى تۇڭعىش پرەزيدەنت كۇنىن وسىمەن ەكىنشى رەت اتاپ ءوتتى. بۇل رەتتە «ءبىر ەل! ءبىر تاعدىر! ءبىر ەلباسى!» اتتى اۋقىمدى شاراعا ەرەكشە توقتالعىم كەلەدى. ايتا كەتۋ كەرەك, بىلتىر بۇل شارا بۇقارالىق سپورت تاقىرىبىنا ارنالسا, ال بيىل ونىڭ ۇرانى «قازاقستان-2050» ستراتەگياسى بولدى. |
تاريحي تاڭداۋ كۇنگى توي-دۋمانعا كوپتەگەن ونەرپازدار قاتىستى. كەرەمەت كەش 300 كوركەمونەرپاز قاتىسقان تەاترلاندىرىلعان قويىلىممەن باستالدى. كونتسەرت تىزگىنىن ۇستاعان بەلگىلى ارتىستەر ازامات ساتىبالدى, سىرىم قاشقاباەۆ جانە ءادىل احمەتوۆ وقۋشىلار مەن ستۋدەنتتەرگە «قازاقستان-2050» ستراتەگياسىنىڭ ءمانى مەن مازمۇنىن ءتۇسىندىرىپ بەردى. ولاردىڭ ايتۋىنشا, مەرەكەلىك كونتسەرتتىڭ بۇلاي اتالۋى تەگىننەن تەگىن ەمەس. تاريح ءۇشىن قاس-قاعىم ءسات بولعانىمەن, از عانا ۋاقىت ىشىندە بۋىنى ەندى بەكي باستاعان ەل الەمدىك دەڭگەيدەگى الپاۋىتتارمەن يىق تىرەستىرىپ, تىڭ باستامالارعا ۇيىتقى بولا الاتىندىعىن كورسەتتى. جيىندا ەلوردالىق وقۋشىلار اراسىندا وتكەن «قازاقستان – 2050: وقۋشىلار كوزىمەن» بايقاۋىنىڭ جەڭىمپازدارىن سالتاناتتى تۇردە ماراپاتتادى. تۇڭعىش پرەزيدەنت كۇنى قارساڭىندا ون مىڭنان استام وقۋشى قاتىسقان بايگەدە ۇزدىك شىققان جەتى وقۋشى ەل العىسىنا بولەندى. ولار «ۇزدىك ەسسە», «ۇزدىك عىلىمي جۇمىس» , «ۇزدىك يننوۆاتسيالىق جوبا», «ۇزدىك ساۋلەت يدەياسى», «ۇزدىك سۋرەت» جانە «ۇزدىك كوشباسشى» اتانىپ, مەكتەپ ۇستازدارى مەن اتا-انالارىن ەرەكشە قۋانتتى.
سونىمەن قاتار, مەرەكەلىك شارادا شىنايى باقىتتىڭ فورمۋلاسى بۇلدىرشىندەر كوزىمەن بەرىلگەنى قانداي عانيبەت! ورتاعا شىققان ەكى كىشكەنتاي ۇل مەن قىز «وتباسى بار, ەلى بار, ەلباسى بار بەرەكەلى ەلدىڭ ءبارى باقىتتى!» دەي كەلە, بۇگىنگى بەيبىت ءومىردىڭ بەينەسىن تاقپاقتاتا جونەلدى.
بۇل شارانىڭ شىرقاۋ شەگى بەس جۇزگە جۋىق ءبيشى قاتىسقان باعدارلاما بولدى. ورەندەر بي ارقىلى ەلىمىزدىڭ سيمۆولدارىن ورنەكتەدى. وقۋشىلار سارايىنىڭ, «رەنەسسانس» بالەت مەكتەبىنىڭ جانە وسكەمەننەن كەلگەن «فلەش» توبىنىڭ «باقىت» قويىلىمى كوپشىلىككە كوتەرىڭكى كوڭىل-كۇي سىيلادى.
شارادا جاستاردىڭ رۋحىن كوتەرەتىن پاتريوتتىق اندەر شىرقالدى. جاستاردىڭ سۇيىكتىسىنە اينالعان «الاشۇلى» توبى, ءمادينا سادۋاقاسوۆا, دوس, بەيبىت قورعان, «تريو Z» توبى جانە استانا وپەرا جانە بالەت تەاترىنىڭ ارتىستەرى مەرەكە كورىگىن ودان ءارى قىزدىردى. ەلىمىزدىڭ تاتۋ-ءتاتتى بىرلىكتە ءومىر ءسۇرىپ جاتقانىن ءتۇرلى ۇلت وكىلدەرىنىڭ ءان مەن كۇيى ايشىقتادى. مەرەكەلىك باعدارلامادا قازاقستاننىڭ ەل بولىپ قالىپتاسۋ جولى مەن 22 جىل ىشىندە جەتكەن جەتىستىكتەرىن ايشىقتايتىن بەينەباياندار كورسەتىلدى. وسىلايشا تەحنيكالىق جارىقتاندىرۋ مەن شارانى ۇيىمداستىرۋ جاعى جاستاردىڭ مەرەكەلىك كوڭىلىن ودان سايىن جادىراتتى.
ايگەرىم سەيىتماتوۆا,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 3-كۋرس ستۋدەنتى