جاستاردىڭ ­جالىنى قانداي؟

نۇر-سۇلتان قالاسىنىڭ جاستار ساياساتى ماسەلەلەرى باسقارماسى ۇيىمداستىراتىن «جاستار جالىنى-2021» جاستار شىعارماشىلىق بايقاۋىنا قاتىسۋعا وتىنىمدەر قابىلداۋ جالعاسۋدا.
كونكۋرسقا ۆاكتسيناتسيادان وتكەن 29 جاسقا دەيىنگى ەلوردالىق جوو ستۋدەنتتەرى قاتىسا الادى. بايقاۋ 10 نوميناتسيا بويىنشا: ەسترادا, ۇلتتىق بي, زاماناۋي بي, مۋزىكالىق اسپاپتار, ايتىس, پوەزيا, مەديا, تەاتر, سۋرەت سالۋ, جاستاردىڭ كۇشى نوميناتسيالارى بويىنشا وتەدى. اۋقىمدى جوباعا قاتىسۋعا وتىنىمدەر 11 قازانعا دەيىن قابىلدانادى.
كونكۋرستىق جوبا قازاقستان رەسپۋبليكاسى پرەزيدەنتىنىڭ «قازاقستان-2050» ستراتەگياسىندا 2021 جىلعا دەيىنگى مەملەكەتتىك جاستار ساياساتىنىڭ تۇجىرىمداماسىندا كورسەتىلگەن جاستار ساياساتى سالاسىنداعى باسىمدىقتار مەن مىندەتتەردى ىسكە اسىرۋعا; ەلوردا جاستارىنىڭ شىعارماشىلىق دامۋى ءۇشىن جاعداي جاساۋعا; ستۋدەنت جاستاردىڭ رۋحاني-مادەني الەۋەتىن دامىتۋعا; ستۋدەنتتەردى ەستەتيكالىق جانە ەتيكالىق تاربيەلەۋ جۇيەسىن جەتىلدىرۋگە باعىتتالعان.
«جاستار جالىنى-2021» كونكۋرسانت ءبىلىم الاتىن جوو-نىڭ جاستار ءىسى جونىندەگى كوميتەتى ارقىلى جۇزەگە اسىرىلادى.
بايقاۋدىڭ سالتاناتتى اشىلۋى 11 قازاندا وتەدى, ال جەڭىمپازداردىڭ ەسىمدەرى 16 قازاندا وتەتىن گالا-كونتسەرتتە بەلگىلى بولادى.