استانادا جاستارعا ارنالعان بوس جۇمىس ورىندارى جارمەڭكەسى ءوتتى. ونى قالالىق ءبىلىم باسقارماسى, جۇمىسپەن قامتۋ, ەڭبەك جانە الەۋمەتتىك قورعاۋ باسقارماسى جانە استانا قالاسىنىڭ ايماقتىق كاسىپكەرلەر پالاتاسى ۇيىمداستىردى.
يگىلىكتى شارانىڭ ماقساتى – باس قالاداعى ەڭبەك نارىعىنىڭ تالاپتارىن نازارعا الىپ, تەحنيكالىق جانە كاسىپتىك ءبىلىم بەرۋ وقۋ ورىندارىن بيىل ءتامامداپ جاتقان تۇلەكتەرىن جۇمىسقا ورنالاستىرۋعا قولداۋ كورسەتۋ.
جارمەڭكەگە ءوندىرىس پەن كاسىپكەرلىك جانە قىزمەت كورسەتۋ سالالارى بويىنشا 50-دەن اسا ءىرى كومپانيالار قاتىستى. ولار 6 مىڭنان استام تۇلەكتەرگە بوس جۇمىس ورىندارىن ۇسىندى.
سونداي-اق, جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنىڭ قىزمەتكەرلەرى كوللەدج تۇلەكتەرىنە «جۇمىسپەن قامتۋ جول كارتاسى – 2020» مەملەكەتتىك باعدارلاماسى مەن «جاستار تاجىريبەسى» باعدارلاماسى جايىندا كەڭىرەك ماعلۇمات بەرىپ, ولاردى جۇمىسپەن قامتۋ ماقساتىندا جەكە مالىمەتتەرىن اقپاراتتار قورىنا ەنگىزدى.
وسىنداي جاقسىلىقتىڭ جارشىسى بولعان شارانىڭ ناتيجەسىندە جاس ماماندار قالاعان ماماندىقتارى بويىنشا قۇجاتتارىن تاپسىرىپ, مارە-سارە قۋانىشقا كەنەلدى.
ازامات ەسەنجول
